ახალი ამბები

6-8 ივნისს, ბათუმის შოთა რუსთაველის სახელმწიფო უნივერსიტეტში ბიალისტოკის (პოლონეთი) ტექნოლოგიური უნივერსიტეტის პროფესორის ევა სადოვსკას საჯარო ლექცია გაიმართა. ღონისძიება ეკონომიკისა და ბიზნესის ფაკულტეტზე ჩატარდა და ის ევროკავშირში შრომის ბაზარზე არსებულ მდგომარეობას, პროფესიული უმოქმედების პრობლემებს და ევროკავშირის დასაქმების პოლიტიკას შეეხებოდა.
ევა სადოვსკას ვიზიტის ფარგლებში შეხვედრა გაიმართა ეკონომიკისა და ბიზნესის ფაკულტეტის დეკანთან ვლადიმერ ღლონტთან, დეკანის მოადგილეებთან და აკადემიურ პერსონალთან.

უნივერსიტეტში ჰუმანიტარულ ფაკულტეტთან არსებული ‘’არაფორმალური განათლების ცენტრის’’ საქმიანობის შემაჯამებელი პრეზენტაცია გაიმართა. სტუდენტებმა ფართო საზოგადოებას ცენტრის მისია, მიზნები, ამოცანები და წლის განმავლობაში განხორციელებული პროექტები გააცნეს.
პროექტის ფარგლებში ‘’უნივერსიტეტი-სკოლას’’ ფილოსოფიის სპეციალობის სტუდენტებმა ლოგიკის სასწავლო კურსის გავლის შემდეგ, ქალაქის სხვადასხვა სკოლის აბიტურიენტები ზოგადი უნარების გამოცდებისათვის მოამზადეს.

ბსუ-ს პარიზის პოლიტიკურ მეცნიერებათა ინსტიტუტის (Sciences Po) საინიციატივო ჯგუფი ‘’Broader Perspective’’ ეწვია. სხვადასხვა ქვეყნის 6 სტუდენტ-ტრენერი 5 დღის განმავლობაში ბსუ-ს სტუდენტებისათვის ტრენინგებს ჩაატარებს თამაზე : მედია და ნაციონალიზმი. სტუდენტები ომისა და მშვიდობის დროს მედიასა და ნაციონალიზმს შორის ურთიერთობას, პროპაგანდის როლს, ბალკანეთის ომს მიმოიხილავენ. ტრენინგები 6 ივნისს დაიწყო და 10 ივნისს დასრულდება.
საინიციატივო ჯგუფს რექტორის მოადგილე ინგა შამილიშვილი შეხვდა და უნივერსიტეტის შესახებ მიაწოდა ინფორმაცია. აგრეთვე, რექტორის მოადგილემ შემდგომი თანამშრომლობის სურვილი გამოთქვა და სტუმრებს სამახსოვრო საჩუქრები გადასცა.

თბილისში გამართულ საუნივერსიტეტო დებატებში ბსუ-ს გუნდმა ჩემპიონობა მოიპოვა. კარლ-პოპერის ფორმატის საუნივერსიტეტო ტურნირში ბსუ-ს სტუდენტებმა საკვალიფიკაციო თამაშში სულხან-საბასა და საქართველოს ტექნიკური უნივერსიტეტების გუნდებს სძლიეს, ნახევარფინალში- თსუ-ს, ფინალში კი ილიას უნივერსიტეტის ნაკრები დაამარცხეს. სადებატო რეზოლუცია საქართველოში ადამიანთა უფლებების დაცვას შეეხებოდა.

ბათუმის შოთა რუსთაველის სახელმწიფო უნივერსიტეტში FAB LAB BSU -ს გამოფენა-პრეზენტაცია გაიმართა.
გამოფენაზე ბსუ-ს ტექნოლოგიური ფაკულტეტის სტუდენტების მიერ საინჟინრო გადაწყვეტილებების მოდელირებით, სასწავლო პროცესში განხორციელებული პროექტები, შენობა-ნაგებობის მაკეტები, მოძრავი მექანიზმები, კონსტრუქციები, დეკორაციული ნივთები და სხვადასხვა სახის სუვენირები იყო წარმოდგენილი. ექსპოზიციაზე ასევე სტუდენტების ბიზნეს სტარტაპის პროექტი -„პირველი ლონგბოარდი საქართველოში“ გამოიფინა.

ღონისძიების ფარგლებში გაიმართა პრეზენტაცია, სადაც ყველა დაინტერესებულ პირს ფაბლაბის მუშაობის პროცესის, ძირითადი მიზნების, ფუნქციებისა და შესაძლებლობების გაცნობა შეეძლო. დამთვალიერებელს საშუალება ჰქონდა, დეტალური ინფორმაცია მიეღო თუ როგორ განეხორციელებინა იდეები ფაბლაბთან ერთად, შეემუშავებინა ერთობლივი პროექტები, განევითარებინა ინოვაციური კუთხით და ექცია იგი კონკრეტულ პროდუქტად.