აღდგომის ბრწყინვალე დღესასწაულს ტურიზმის ფაკულტეტის სტუდენტები განსაკუთრებულად და სიმბოლურად შეხვდნენ. ახალგაზრდებმა ისტორიულ ტაო-კლარჯეთში უძველესი ოთხთას ტაძარი სანთლებით გაანათეს. 10-12 აპრილს საგანმანათლებლო ტურის ფარგლებში 50-მდე სტუდენტმა მოინახულა ხახულის, ოშკის, იშხნის, ოთხთას, პარხალის, დოლისყანისა და ტბეთის ტაძრები და სამონასტრო კომპლექსები.

ფრანკოფონიის თვის ფარგლებში, ბათუმის შოთა რუსთაველის სახელმწიფო უნივერსიტეტში გაიმართა მრავალფეროვანი საგანმანათლებლო და კულტურული ღონისძიებები, რომლებიც მიზნად ისახავდა ფრანგული ენისა და კულტურის პოპულარიზაციასა და აკადემიური თანამშრომლობის გაღრმავებას.

ბათუმის შოთა რუსთაველს სახელმწიფო უნივერსიტეტის ტურიზმის ფაკულტეტის სტუდენტებთან საერთაშორისო გამოფენის „EBIT 2026“ სტაჟირების პროგრამის თემაზე შეხვედრა გაიმართა. „ტურიზმისა და სასტუმრო აღჭურვილობის რიგით მე-17 საერთაშორისო გამოფენა EBIT 2026’’ საორგანიზაციო პროცესში ტურიზმის ფაკულტეტის სტუდენტები ჩაერთვებიან და ერთი თვის განმავლობაში აქტიურ მონაწილეობას მიიღებენ გამოფენის დაგეგმვა-განხორციელების პროცესში.

აჭარის მოლაშქრეთა კლუბის დამფუძნებელმა გიორგი მეგრელიძემ ტურიზმის ფაკულტეტის სტუდენტებთან შეხვედრა გამართა. სპიკერმა კლუბის წევრებთან ერთად, ახალგაზრდებს გააცნო მოლაშქრეობის მნიშვნელობა ტურიზმში, როგორც ერთ-ერთი სწრაფად განვითარებადი და მოთხოვნადი მიმართულება. შეხვედრის ფარგლებში გაიმართა პრაქტიკული მასტერკლასი, რომლის დროსაც სტუდენტებმა კარვის გაშლის პრაქტიკული უნარები შეიძინეს.

ტურიზმის ფაკულტეტზე აჭარის დასაქმების სააგენტოს საინფორმაციო შეხვედრა გაიმართა. სტუდენტებმა მიიღეს ამომწურავი ინფორმაცია სააგენტოს პროგრამებისა და სერვისების შესახებ, ასევე გაეცნენ დასაქმებისა და კარიერული განვითარების შესაძლებლობებს.