ბსუ-ს პროფესიული გადამზადების პროგრამის „მცენარეთა ინტეგრირებული დაცვა“ მსემენელების პირველი ნაკადისთვის სასწავლო პროცესი დაიწყო. პროგრამა ხორციელდება ბათუმის შოთ რუსთაველის სახელმწიფო უნივერსიტეტის აგრარული ექსტენციის ბაზაზე. „მცენარეთა ინტეგრირებული დაცვა“ მომზადებულია ბსუ-ს პროფესიული პროგრამების მართვისა და უწყვეტი განათლების ცენტრში „სანიტარული და ფიტოსანიტარიული შესაძლებლობების გაძლიერების პროექტის“ ფარგლებში „მომავლის ფერმერის“ ორგანიზებითა და აშშ-ის სოფლის მეურნეობის დეპარტამენტის (USDA) ფინანსური მხარდაჭერით.

ბათუმის შოთა რუსთაველის სახელმწიფო უნივერსიტეტი აცხადებს მიღებას პროფესიულ საგანმანათლებლო პროგრამებზე. პროფესიულ საგანმანათლებლო პროგრამებზე სწავლა მთლიანად ფინანსდება სახელმწიფოს მიერ. პროფესიულ საგანმანათლებლო პროგრამებზე სწავლის მსურველთა (აპლიკანტთა) რეგისტრაცია განხორციელდება 2023 წლის 22 მაისიდან 10 სექტმებრის ჩათვლით, ელექტრონულად, შემდეგ მისამართზე - http://vet.emis.ge ან/და ბსუ-ს პროფესიული პროგრამების მართვისა და უწყვეტი განათლების ცენტრის დისტანციური მხარდაჭერით ( ცხელი ხაზი: 557 36 40 44, 591 95 76 62).

ბათუმის შოთა რუსთველის სახელმწიფო უნივერსიტეტის საგანმანათლებლო პროგრამის საფინანსო სერვისების სტუდენტებს ლიბერთი ბანკის საოპერაციო მენეჯერი მარიამ ხოფერია შეხვდა და საკუთარი ცოდნა და გამოცდილება გაუზიარა. შეხვედრაზე სტუდენტები ასევე გაეცნენ მენეჯერის, მოლარისა და მოლარე-ოპერატორების პოზიციებსა და მათ მოვალეობებს. შეხვედრის დასრულების შემდეგ, მარიამ ხოფერიამ სტუდენტების აქტუალურ შეკითხვებს უპასუხა.

ბსუ-ს პროფესიული პროგრამების მართვისა და უწყვეტი განათლების ცენტრში პროფესიული სტუდენტებისათვის ჩატარდა ტრენინგი "დროის მართვა და გუნდში მუშაობა."აღნიშნული ტრენინგი ჩატარდა „ცოდნისა და უნარების განვითარების ქსელებისა და პლატფორმების“ (LINKS) პროექტის ფარგლებში, რომელიც ხორციელდება ევროკავშირის დაფინანსებით, „საქართველოს გაეროს ასოციაციისა“ (UNAG) და „საქართველოს ღია საზოგადოების ფონდის“ (OSGF) მიერ. ის არის მასშტაბური პროგრამის ნაწილი სახელწოდებით „განათლება დასაქმებისთვის“

2023 წლის 27 აპრილს Erasmus+ პროექტის „ტექნოლოგიებით გაძლიერებული სწავლება და სწავლა საქართველოს უნივერსიტეტებში – DITECH“ ფარგლებში შედგა შეხვედრა საჯარო სკოლის პედაგოგებთან. პროექტში ჩართულმა ბსუ-ს პერსონალმა, ზუსტ მეცნიერებათა და განათლების ფაკულტეტის დეკანმა, პროფესორმა ლელა თურმანიძემ, ასისტენტ პროფესორმა ნინო სამნიძემ მომავალ და საჯარო სკოლების მოქმედ მასწავლებლებს გააცნეს პროექტის ფარგლებში ციფრული კომპეტენციისა და უნარების გაუმჯობესების მიზნით შემუშავებული ინოვაციური პროგრამები და ტრენინგკურსები. შეხვედრაზე გამოიკვეთა პედაგოგების საჭიროებები და დაიგეგმა ტრენინგი.