ბათუმის შოთა რუსთაველის სახელმწიფო უნივერსიტეტმა მაგდებურგის ოტო-ფონ-გერიკის უნივერსიტეტის ემერიტუს-პროფესორის, გეორგ ლომანის საჯარო ლექციას უმასპინძლა თემაზე: „ნაციონალური და საერთაშორისო საჯარო სფეროები და ადამიანის უფლებათა დაცვა’’.
საჯარო ლექციათა ციკლი, სახელმწიფოებრივი მოწყობის საპრეზიდენტო კოლეგიუმი საქართველოს პრეზიდენტის სარეზერვო ფონდის მხარდაჭერით გახორციელდა
აჭარის ა/რ ჯანმრთელობისა და სოციალური დაცვის მინისტრი ნუგზარ სურმანიძე ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტებს შეხვდა.
ნუგზარ სურმანიძემ სტუდენტებს ჯანდაცვის სისტემა გააცნო და დარგში განხორციელებულ, მიმდინარე და დაგეგმილ პროექტზე ესაუბრა. მინისტრის განცხადებით, ქ. ბათუმის რესპუბლიკურ კლინიკურ საავადმყოფოს, რომლის მშენებლობაც 2018 წელს დასრულდება, საუნივერსიტეტო კლინიკის სტატუსი მიენიჭება და სტუდენტებს საშუალება ექნებათ სამედიცინო პრაქტიკა გაიარონ.
25 მაისს, ბათუმის შოთა რუსთაველის სახელმწიფო უნივერსიტეტში საქართველოს დამოუკიდებლობის დღისადმი მიძღვნილი ღონისძიება გაიმართა. ფილოსოფიის დოქტორმა, პროფესორმა ლალი ზაქარაძემ წაიკითხა საჯარო ლექცია თემაზე: - „ახალი რუსული იმპერიალიზმი და საქართველო“. ღონისძიებას ესწრებოდნენ საქართველოს თავდაცვის სამინისტროს შეიარაღებული ძალების მე-3 ქვეითი ბრიგადის 31-ე ბატალიონის სამხედრო მოსამსახურეები.
ბათუმის შოთა რუსთაველის სახელმწიფო უნივერსიტეტმა სტუდენტურ დღეებში მიიღო მონაწილეობა. ბსუ-ს ფუტსალისა და ფრენბურთის გუნდებმა პირველობა სპორტულ აქტივობაში მოიპოვეს, ხოლო ნომინაციაში საუკეთესო მუსიკალური ნომერი ბსუ-ს ჰუმანიტარულ მეცნიერებათა ფაკულტეტის სტუდენტმა გრიგოლ ტვილდიანმა გაიმარჯვა. უნივერსიტეტი ულოცავს სტუდენტებს ღირსეულ გამარჯვებას და წარმატებებს უსურვებს.
ბათუმის შოთა რუსთაველის სახელმწიფო უნივერსიტეტში XXVII საერთაშორისო სამეცნიერო კონფერენცია გაიხსნა თემაზე: ‘’გადაწყვეტილების მიღების პრობლემები გაურკვევლობის პირობებში’’. კონფერენცია ტარას შევჩენკოს კიევის ნაციონალური უნივერსიტეტის, საქართველოს ტექნიკური უნივერსიტეტის და ბათუმის შოთა რუსთაველის სახელმწიფო უნივერსიტეტის ორგანიზებით ტარდება და მასში 9 ქვეყნის 42 უმაღლესი საგანმანათლებლო დაწესებულება მონაწილეობს.
