16 ივნისს ბსუ-ს ჰუმანიტარულ მეცნიერებათა ფაკულტეტის დოქტორანტურაში საერთაშორისო რეზონანსის დაცვა შედგა: „არქეოლოგიის“ სადოქტორო საგანმანათლებლო პროგრამის დოქტორანტმა, თურქეთის მოქალაქე სინან ქილიჩმა (ხელმძღვანელები ბსუ-ს პროფ. შოთა მამულაძე და გერმანიის არქეოლოგიური ინსტიტუტის მეცნიერი თანამშრომელი ჯონი აფაქიძე), წარმატებით დაიცვა სადისერტაციო ნაშრომი თემაზე: „ჩრდილო-აღმოსავლეთ ანატოლია გვიანბრინჯაოსა და ადრერკინის ხანაში“ (ძვ. წ. XIV-VII სს.) და დაიმსახურა მაღალი შეფასება - Magna cum laude.

ბსუ-ს ჰუმანიტარულ მეცნიერებათა ფაკულტეტის ინგლისური ფილოლოგიის საგანმანათლებლო პროგრამის მეოთხე კურსის წარჩინებულმა სტუდენტმა, სახელმწიფო სტიპენდიანტმა თედო შარადენიძემ გამოსცა დამხმარე პრაქტიკული სახელმძღვანელო ინგლისურ ენაში „წერეთ და ისაუბრეთ ინგლისურად“. სახელმძღვანელო განკუთვნილია აბიტურიენტებისა და სტუდენტებისთვის, შედგება წიგნის ავტორის მიერ დაწერილი ესეების, დიალოგების, მონოლოგების, პრაქტიკულ სავარჯიშოებისაგან.

11-12 და 16 ივნისს ბსუ-ს ჰუმანიტარულ მეცნიერებათა ფაკულტეტის ფილოსოფიის დეპარტამენტის ორგანიზებით, აღმოსავლეთ ევროპის უნივერსიტეტის პროფესორმა, სადოქტორო და უმაღლესი განათლების კვლევების განვითარების ცენტრის დირექტორის მოადგილემ, ფილოსოფიის დოქტორმა გიორგი თავაძემ ონლაინ-ტრენინგები ჩაატარა თემაზე: „ელექტრონულ სამეცნიერო ბაზებთან მუშაობის პრინციპები“. შეხვედრის სამიზნე ჯგუფები იყო ბსუ-ის ფილოსოფიის სპეციალობის ბაკალავრიატისა და მაგისტრატურის სტუდენტები და ფილოსოფიის დეპარტამენტის ძირითადი და მოწვეული აკადემიური პერსონალი.

ბათუმის შოთა რუსთაველის სახელმწიფო უნივერსიტეტში გერმანული საერთაშორისო ორგანიზაცია „Corridors”-ის ეგიდით საქართველოს სხვადასხვა უნივერსიტეტის სტუდენტებისათვის სამდღიანი ტრენინგი ჩატარდა მშვიდობისა და კონფლიქტების საკითხებზე. ტრენინგი პროექტის „სამშვიდობო განათლების შესაძლებლობების გაძლიერების” ფარგლებში გაიმართა და მიზნად ისახავდა უმაღლესი განათლების ინტერნაციონალიზაციის გაძლიერებას მშვიდობისა და კონფლიქტების სფეროში.

ბათუმის შოთა რუსთაველის სახელმწიფო უნივერსიტეტში გერმანული საერთაშორისო ორგანიზაცია „Corridors”-ის ეგიდით საქართველოს სხვადასხვა უნივერსიტეტის სტუდენტებისათვის სამდღიანი ტრენინგი ჩატარდა მშვიდობისა და კონფლიქტების საკითხებზე. ტრენინგი პროექტის „სამშვიდობო განათლების შესაძლებლობების გაძლიერების” ფარგლებში გაიმართა და მიზნად ისახავდა უმაღლესი განათლების ინტერნაციონალიზაციის გაძლიერებას მშვიდობისა და კონფლიქტების სფეროში.