2022-2023 სასწავლო წელს ფრანგული ენის სასწავლო კურსს ბათუმის შოთ რუსთაველის სახელმწიფო უნივერსიტეტის იურიდიული და სოციალური მეცნიერებისა და ჰუმანიტარული მეცნიერების ფაკულტეტების სტუდენტებს ბსუ-ს პედაგოგებთან ერთად, უცხოელი სტაჟიორები სეფორა იეუბი და ალექსანდრე კაბორე ასწავლიდნენ. სწავლება უახლესი მიდგომებითა და მეთოდებით ხორციელდებოდა. სტაჟიორები სეფორა იეუბი და ალექსანდრე კაბორე ბსუ-ს სტუდენტებს აჭარის განათლების, კულტურისა და სპორტის სამინისტროს უცხოეთში სტაჟირების პროგრამის ფარგლებში ასწავლიდნენ.

პროფესორ აბელ სურგულაძის 90 წლისადმი მიძღვნილი სამეცნიერო კონფერენცია გაიმართა ბათუმის შოთა რუსთაველის სახელმწიფო უნივერსიტეტში. ჰუმანიტარულ მეცნიერებათა ფაკულტეტის პროფესორ-მასწავლებლებმა კიდევ ერთხელ გაიხსნეს ღვაწლმოსილი პროფესორის მოღვაწეობა, პატივი მიაგეს მის ხსოვნას და სამეცნიერო მოხსენებები წარმოადინეს ისტორიის აქტუალურ საკითხებზე. პროფესორმა აბელ სურგულაძემ მნიშნელოვანი წვლილი შეიტანა უნივერსიტეტში ისტორიის მეცნიერების განვითარებასა და მომავალი თაობების აღზრდაში. მის სახელთან არის დაკავშირებული 1991 წელს, უნივერსიტეტში საქართველოს ისტორიის კათედრის დაფუძნება და საქართველოს ისტორიის პოპულარიზაცია. პროფესორ აბელ სურგულაძის რედაქტორობით დაიწყო საქართველოს ისტორიის კათედრის გაზეთ „ძლევაის“ და კრებულ „საისტორიო მაცნეს“ გამოცემა. ცნობილი მეცნიერი იკვლევდა საქართველოს XVIII-XX საუკუნეების საკვანძო საკითხებს, აჭარის ისტორიის პრობლემებს და ავტორია 30-მდე წიგნისა და 400-ზე მეტი სამეცნიერო სტატიის.

ბათუმის შოთა რუსთაველის სახელმწიფო უნივერსიტეტში საქართველოს დამოუკიდებლობისადმი მიძღვნილი შეხვედრა-დისკუსია გაიმართა თემაზე: „საქართველოს სახელმწიფოებრივი დამოუკიდებლობის აღდგენა 1918 წლის 26 მაისი - წინაპირობები, მნიშვნელობა და შედეგები.” ღონისძიების მონაწილეებს მიესალმა და საქართველოს დამოუკიდებლობის დღე მიულოცა ბსუ-ს რექტორმა, პროფესორმა მერაბ ხალვაშმა.

ბათუმის შოთ რუსთველის სახელმწიფო უნივერსიტეტს გერმანიის ელჩის მოადგილე ტანია ჰუტი ეწვია. რექტორთან მერაბ ხალვაშთან და ჰუმანიტარულ მეცნიერებათა ფაკულტეტის დეკანთან თეონა ბერიძესთან გამართულ შეხვედრაზე სტუმარმა ბსუ-სა და გერმანიის უნივერსიტეტებთან თანამშრომლობის გაღრმავებასა და ახალი საგანმანათლებლო პროგრამების განხორციელებაზე ისაუბრა. გერმანიის ელჩის მოადგილემ, ტანია ჰუტმა ხაზის გაუსვა გერმანული ენის სწავლების მხარდაჭერის პროექტს, რომელიც ითვალისწინებს გერმანული ენის სწავლების გაძლიერებას. ვიზიტის ფარგლებში დიპლომატიური კორპუსის წარმომადგენელი ასევე შეხვდა გერმანისტიკის მიმართულების აკადემიურ პერსონალს, პროფესიული და უწყვეტი განათლების სამაგისტრო საგანმანათლებლო პროგრამის, ევროპისმცოდნეობის, საერთაშორისო ურთიერთობების საბაკალავრო საგანამანათლებლო პროგრამების სტუდენტებსა და აჭარის რესურსცენტრების ხელმძღვანელებს.

15-19 მაისს, „ერაზმუს+“-ის აკადემიური პერსონალის მობილობისა და კვირეულის ფარგლებში, ჰუმანიტარულ მეცნიერებათა ფაკულტეტის ასისტენტ-პროფესორი მარიამ კორინთელი ბულგარეთის, რუსეს ანჯელ კანჩევის უნივერსიტეტს ეწვია.
კვირეულის განმავლობაში მარიამ კორინთელმა ჩაატარა ლექციები დაწყებითი განათლების პროგრამის სტუდენტებისთვის თემაზე: „საბავშვო ლიტერატურა - მიმდინარე პროცესები და ტენდენციები“. ლექციების ბოლოს ჩაატარა შემეცნებითი აქტივობა - ვიქტორინა წიგნების ილუსტრაციების გამოცნობაზე, რაშიც მონაწილეობა მიიღეს სტუდენტებმა და პროფესორ-მასწავლებლებმა.