ეროვნული კვლევის უნივერსიტეტის ეკონომიკის უმარლესი სკოლის პროფესორმა, სამართლის დოქტორმა ნინა ბელიაევამ ბათუმის სახელმწიფო უნივერსიტეტში საჯარო ლექცია წაიკითხა თემაზე: „საჯარო პოლიტიკა გლობალურ კონტექსტში“. მომხსენებელმა სტუდენტებსა და პროფესორ-მასწავლებლებს საჯარო პოლიტიკის, როგორც ინტერდისციპლინარული სამეცნიერო და სასწავლო დარგის, ჩამოყალიბების და განვითარების თანამედროვე ტენდენციები, თანამედროვე კვლევების შედეგები და მსოფლიოს წამყვანი საჯარო პოლიტიკის სკოლების გამოცდილება გააცნო. საჯარო ლექციის დასრულების შემდეგ დისკუსია გაიმართა საჯარო პოლიტიკის აქტუალურ საკითხებზე.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და ტერნოპოლის ეროვნული ეკონომიკური უნივერსიტეტის რექტორმა ანდრი კრუსოვატმა თანამშრომლობის მემორანდუმს მოაწერეს ხელი. ხელშეკრულება ითვალისწინებს ერთობლივი სასწავლო-საგანმანათლებლო და სამეცნიერო პროექტების განხორციელებას. მემორანდუმის ფარგლებში ამოქმედდება გაცვლითი პროგრამები სტუდენტებისა და პროფესორ-მასწავლებლების მონაწილეობით, ჩატარდება სამეცნიერო კონფერენციები, საზაფხულო სკოლები, ტრენინგები და სემინარები. მხარეთა შეთანხმებით, ასევე იგეგმება ერთობლივი საგანმანათლებლო სადოქტორო პროგრამების შემუშავება.

ლაიდენის უნივერსიტეტის პროფესორმა იორიტ რიიპმა ბათუმის შოთა რუსთაველის სახელმწიფო უნივერსიტეტში საჯარო ლექცია წაიკითხა თემაზე: „მიგრაციისა და უსაფრთხოების თანამედროვე ტენდენციები ევროკავშირში“. მომხსენებელმა სტუდენტებს ევროპაში მიმდინარე მიგრაციული პროცესები და ამ საკითხთან დაკავშირებული პრობლემები გააცნო. ლექციის დასრულების შემდეგ, პროექტ ENIGMMA-ს ფარგლებში მიგრაციის პოლიტიკის განვითარების საერთაშორისო ცენტრისა (ICMPD) და მიგრაციის საკითხთა სამთავრობო კომისიის თანამშრომლობით გამოცემული ნაშრომის „მიგრაციის სახელმძღვანელოს“ პრეზენტაცია გაიმართა.

ბრაზილიის ბიოსინთეზის ინსტიტუტის და ბრაზილიის ბიოენერგეტიკის ინსტიტუტის დირექტორმა ლიანა ცინკმა ბათუმის შოთა რუსთაველის სახელმწიფო უნივერსიტეტში საჯარო ლექცია წაიკითხა თემაზე: „ფსიქოთერაპევტის როლის საჭიროება თანამედროვე საზოგადოებაში“. ცნობილმა ფსიქოთერაპევტმა იურიდიული და სოციალურ მეცნიერებათა ფაკულტეტის ფსიქოლოგიის სპეციალობის სტუდენტებს ფსიქოთერაპევტის ეთიკურ ნორმები, დარგის უახლესი მეთოდები, ტექნოლოგიები გააცნო და ახალგაზრდებს სხვადასხვა ქვეყანაში მუშაობის ორმოცდაათწლიანი გამოცდილება გაუზიარა. ლექციის დასასრულს ლიანა ცინკმა სტუდენტების შეკითხვებს უპასუხა.

18-19 სექტემბერს ბათუმის შოთა რუსთაველის სახელმწიფო უნივერსიტეტის საზოგადოებრივ და პოლიტიკურ მეცნიერებათა დეპარტამენტში სამეცნიერო-კვლევითი მობილობის ფარგლებში ვუჯის უნივერსიტეტის (პოლონეთი) უსაფ¬რთხოებისა და საერთაშორისო ურთიერთობების დეპარტამენტის პროფესორი რობერტ ჩულდა იმყოფებოდა. მკვლევარმა თანამედროვე ეტაპზე საქართველო-ირანის ურთიერ¬თობების, შავი ზღვა, სამხრეთ კავკასიისა და კასპიის ზღვის რეგიონის უსაფრთხოების საკითხთან დაკავშირებით ინტერვიუები ჩაწერა საზოგადოებრივ და პოლიტიკურ მეცნიერებათა დეპარტამენტის აკადემიურ პირებთან (რევაზ დიასამიძე, ირაკლი მანველიძე, ირაკლი გორგილაძე და ლაშა ბაჟუნაიშვილი). პროფესორ რობერტ ჩულდას ვიზიტი უნივერსიტეტებს შორის გაფორმებული თანამშრომლობის მემორანდუმის საფუძველზე შედგა.