2016 წლის 20-23 ივნისს, ქალაქ ლონდონში, როჰემპტონის უნივერსიტეტში, TEMPUS-ის პროგრამის ფარგლებში PICASA ‘’ინტერნაციონალიზაციითვის ხელშეწყობა უმაღლეს სასწავლო დაწესებულებებში მეზობელ აღმოსავლეთის ქვეყნებში, კულტურული და სტრუქტურული ცვლილებების გზით’’ სამუშაო შეხვედრა გაიმართა. შეხვედრაზე პროექტის დასაწყისიდან დღემდე ჩატარებული სამუშაოები და აქტივობები განიხილეს.
ბათუმის შოთა რუსთველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებთან დასაქმების ხელშეწყობის მიზნით „თიბისი ბანკის“ წარმომადგენლებმა შეხვედრა გამართეს. „თიბისი ბანკის“ ბათუმის ფილიალის დირექტორმა დავით ბოჭორიშვილმა, აჭარა-გურია-სამეგრელოს რეგიონალური დირექტორის მოადგილემ ნათია ვარშალომიძემ, გაყიდვების კოორდინატორმა დავით გოგიბერაშვილმა სტუდენტებს გამოცდილება გაუზიარეს, „თიბისი ბანკის“ ისტორია, მისია, მიზანი გააცნეს და ახალგაზრდებს შესთავაზეს სტაჟირების პროგრამა სამ ვაკანტურ პოზიციაზე დასაქმების პერსპექტივით. თანამშრომლობის ფარგლებში ეკონომიკისა და ბიზნესის ფაკულტეტსა და “თიბისი ბანკს“ შორის ერთობლივი ღონისძიებების ჩატარება დაიგეგმა.
ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტები შემოსავლების სამსახურის საგანმანათლებლო სემინარის განმეორებით გასვლით ტურში მონაწილეობდნენ. სტუდენტები (პირველი ჯგუფი - ხელმძღვანელი: პროფესორი ვაჟა ვერულიძე) „ბათუმის აეროპორტსა“ და შემოსავლების სამსახურის ბათუმის სერვისცენტრს ეწვივნენ და დეტალური ინფორმაცია მიიღეს საჰაერო საზღვრის კვეთის სპეციფიკისა და სერვისცენტრის მიერ დანერგილი მომსახურების შესახებ.
2016 წლის 8-10 ივნისს, ეკონომიკისა და ბიზნესის ფაკულტეტის „მენეჯმენტის“ სპეციალობის II კურსის სტუდენტებმა (ლ.ფუტკარაძე, თ.ჭაღალიძე, თ.რომანაძე, თ.ცეცხლაძე, თ. ვარშანიძე, დ.გვიანიძე, მ.ბოლქვაძე, ტ.ალიევი) შეიმუშავეს და განახორციელეს სოციალური პროექტები - „გაიგე მეტი შშმ პირთა შესახებ“ და „დრო მიდის, კადრები კი რჩება’’.
პროექტი - „გაიგე მეტი შშმ პირთა შესახებ“ მიზნად ისახავდა სკოლის მოსწავლეების ინფორმირებულობას შშმ პირთა უფლებებისა შესახებ და მათი სოციალური პასუხისმგებლობის გაზრდას, ხოლო პროექტის -„დრო მიდის, კადრები კი რჩება’’ მიზანი ხანდაზმულებისათვის ერთი დღის გალამაზება და საზოგადოების მხრიდან თანადგომის გამოხატვა იყო.
სტუდენტთა სოციალური პროექტები სასწავლო კურსის - „პროექტების მართვის“ ფარგლებში შემუშავდა და სტუდენტთა პრაქტიკული უნარ-ჩვევების გამომუშავებას ემსახურებოდა.
6-8 ივნისს, ბათუმის შოთა რუსთაველის სახელმწიფო უნივერსიტეტში ბიალისტოკის (პოლონეთი) ტექნოლოგიური უნივერსიტეტის პროფესორის ევა სადოვსკას საჯარო ლექცია გაიმართა. ღონისძიება ეკონომიკისა და ბიზნესის ფაკულტეტზე ჩატარდა და ის ევროკავშირში შრომის ბაზარზე არსებულ მდგომარეობას, პროფესიული უმოქმედების პრობლემებს და ევროკავშირის დასაქმების პოლიტიკას შეეხებოდა.
ევა სადოვსკას ვიზიტის ფარგლებში შეხვედრა გაიმართა ეკონომიკისა და ბიზნესის ფაკულტეტის დეკანთან ვლადიმერ ღლონტთან, დეკანის მოადგილეებთან და აკადემიურ პერსონალთან.
