ბათუმის შოთა რუსთაველის სახელმწიფო უნივერსიტეტში ყოველწლიური ჟან მონეს სტუდენტური კონფერენცია: „დემოკრატია, კანონის უზენაესობა და ადამიანის უფლებების დაცვა ევროკავშირში“ გაიმართა. კონფერენციაზე იურიდიული და სოციალურ მეცნიერებათა ფაკულტეტის ჟან მონეს სასწავლო პროგრამის კურსდამთავრებულმა სტუდენტებმა წარმოადგინეს მოხსენებები ევროპის კავშირის ძირითადი ღირებულებების, ევროპული ინტეგრაციის, ევროკავშირში დემოკრატიის, კორუფციასთან ბრძოლის მექანიზმების, კარგი მმართველობის, კონფლიქტების პრევენციის, აღმოსავლეთ პარტნიორობის, ეროვნული და კულტურული იდენტობის, აზრის, სინდისისა და რელიგიის თავისუფლების და სხვა აქტუალურ საკითხებზე.

ბათუმის შოთა რუსთაველის სახელმწიფო უნივერსიტეტში სტუდენტური პროექტის „სმარტფონების ფესტივალი“ ფარგლებში ჩატარებული კონკურსის „აღმოაჩინე შენი ქალაქი“ წარდგენა გაიმართა. პროექტს „სმარტფონების ფესტივალი“ ბსუ-ს იურიდიული და სოციალური მეცნიერების სამართალმცოდნეობის საგანმანათლებლო პროგრამის I და II კურსის სტუდენტების საინიციატივო ჯგუფი საგანმანათლებლო პროგრამის „დემოკრატია და მოქალაქეობა“ ფარგლებში ახორციელებს. პროექტი ითვალისწინებს, ახალგაზრდებში ბათუმის კულტურული ცხოვრების, ისტორიის პოპულარიზაციასა და ცნობიერების ამაღლებას.

23-25 იანვარს უკრაინაში, ქალაქ კიევში ევროკავშირის მიერ დაფინანსებული პროექტის “MEDIATS”-ის ფარგლებში გამართულ მედიაციის საერთაშორისო სემინარში მონაწილეობა მიიღეს მოხსენებები წარადგინა პროექტ „MEDIATS”-ის პერსონალმა: იურიდიულ და სოციალურ მეცნიერებათა ფაკულტეტის წევრებმა და პროექტის ადმინისტრაციამ. სემინარის მონაწილეები გაეცნენ პროექტის მიმდინარე შედეგებს, მედიაციის სფეროს სიახლეებსა და ძირითად გამოწვევებს.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტი, ჟან მონეს კათედრის ორგანიზებით 2022 წლის 28 იანვარს გიწვევთ ჟან მონეს სტუდენტურ კონფერენციაში მონაწილეობის მისაღებად.

ღვაწლმოსილი მეცნიერის, ცნობილი ფსიქოლოგის, ბათუმის შოთა რუსთაველის სახელმწიფო უნივერსიტეტის ემერიტუს-პროფესორ გურამ ჩაგანავას 80 წლისადმი მიძღვნილი საიუბილეო სხდომა გაიმართა ბსუ-ში. საიუბილეო ღონისძიებაზე ემერიტუს-პროფესორ გურამ ჩაგანავას იუბილე მიულოცეს, წარმატებები უსურვეს და მის ღვაწლზე ისაუბრეს იურიდიული და სოციალურ მეცნიერებათა ფაკულტეტის დეკანმა ლევან ჯაყელმა, სოციალურ მეცნიერებათა დეპარტამენტის ხელმძღვანელმა რუსუდან კეჭაყმაძემ, ბსუ-ს ნიკო ბერძენიშვილის ინსტიტუტის ხელმძღვანელმა როინ მალაყმაძემ, ბსუ-ს პროფესორ-მასწავლებლებმა და სტუდენტებმა.