USAID სამართლის უზენაესობის პროგრამის მხარდაჭერით, ილიას სახელმწიფო უნივერსიტეტი ახორციელებს პროექტს „ქართული სამართლებრივი კულტურის განვითარება მომავალი იურისტების პრაქტიკული უნარების ზრდის მეშვეობით“. პროექტში ჩართულები არიან ილიას სახელმწიფო უნივერსიტეტი, თელავის იაკობ გოგებაშვილის სახელობის სახელმწიფო უნივერსიტეტი და ბათუმის შოთა რუსთაველის სახელმწიფო უნივერსიტეტი.
12-13 ნოემბერს, USAID-ის კანონის უზენაესობის პროგრამის მიერ მხარდაჭერილი პროექტის „ქართული სამართლებრივი კულტურის განვითარება მომავალი იურისტების პრაქტიკული უნარების ზრდის მეშვეობით“ ფარგლებში, ილიას სახელმწიფო უნივერსიტეტის, ბათუმის შოთა რუსთაველის სახელობისა და თელავის იაკობ გოგებაშვილის უნივერსიტეტების ცხრა პროფესორი შეხვდა პრაქტიკული უნარების სწავლების განვითარებაზე სამუშაოდ.
14-20 ნოემბერს ბათუმის შოთა რუსთაველის სახელმწიფო უნივერსიტეტის იურიდიული დ სოციალურ მეცნიერებათა ფაკულტეტის ასოცირებულმა პროფესორმა ლაშა ბაჟუნაიშვილმა ბრაგას უნივერსიტეტის (პორტუგალია) საერთაშორისო ურთიერთობების სპეციალობის ბაკალავრიატისა და მაგისტრატურის საფეხურის სტუდენტებისთვის 8-საათიანი ლექციის მოკლე კურსი ჩაატარა შემდეგ თემებზე: საქართველოს საგარეო პოლიტიკა და რუსეთის აგრესია უკრაინაში და გეოპოლიტიკური ტრანსფორმაცია შავი ზღვის რეგიონში. სალექციო კურსის პარალელურად, შემდგომი თანამშრომლობის გაღრმავების და ერთობლივი კვლევების დაგეგმვის მიზნით, ასოცირებულმა პროფესორმა ლაშა ბაჟუნაიშვილმა შეხვედრები გამართა აკადემიურ პერსონალთან და სადოქტორო პროგრამის სტუდენტებთან.
ბსუ-ს იურიდიულ და სოციალურ მეცნიერებათა ფაკულტეტის ასისტენტ პროფესორმა გიგა ფარტენაძემ „ერასმუს+“-ის გაცვლითი პროგრამის ფარგლებში ლექციები წაიკითხა ევორას უნივერსიტეტში (პორტუგალია). ლექციები შეეხებოდა ისეთი მნიშვნელოვან საკითხებს, როგორიცაა: საქართველოსა და ევროკავშირს შორის ურთერთობის საკითხებს, ღია მმართველობა, ღია მმართველობის პარტნიორობის ფარგლებში ქვეყნის მიღწევები და მდგარი განვითარება. ასისტენტ პროფესორმა გიგა ფარტენაძემ ევორას უნივერსიტეტის სტუდენტებს ასევე გააცნო საქართველოს არსებული პოტენციალი ევროინტეგრაციისკენ მიმავლ გზაზე და ღია მმართველობის აქტუალური საკითხები საქართველოს გამოცდილების გათვალისწინებით. უნივერსიტეტის წარმომადგენლებთან გამართულ შეხვედრაზე დაიგეგმა სამომავალო თანამშრომლობის მიმართულებები.
უკრაინის სუმის სახელმწიფო პედაგოგიური უნივერსიტეტის 4 სტუდენტი ბსუ-ს იურიდიული და სოციალურ მეცნიერებათა ფაკულტეტის საერთაშორისო ურთიერთობების საბაკალავრო საგანმანათლებლო პროგრამაზე ერთი სემესტრით ისწავლის. უკრაინელ სტუდენტებს საგნებს უცხო ენაზე ფაკულტეტის აკადემიური და მოწვეული პერსონალი წაუკითხავს. პროგრამა ხორციელდება უნივერსიტეტებს შორის გაფორმებული თანამშრომლობის მემორანდუმის ფარგლებში.
