19-20 ივნისს ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების ხელმძღვანელმა იზოლდა მაჭუტაძემ მონაწილეობა მიიღო პოლონეთში, კორნიკში გამართულ საერთაშორისო კონფერენციაში თემაზე: „რელიქტური მერქნიანი მცენარეები - წარსული, აწმყო, მომავალი“. მსოფლიოში კლიმატის ცვლილებით გამოწვეულმა პროცესებმა მსოფლიო ფლორის რელიქტური მერქნიანი სახეობები საფრთხის წინაშე დააყენა. აუცილებელია ბუნებრივი სახით ტყეების აღდგენა და ამ მხრივ სამეცნიერო კვლევებისა და პროექტების განხორციელება. ფიტოპათოლოგიისა და ბიომრავალფეროვნების ინსტიტუტში იგეგმება რელიქტური კოლხური ტყის აღდგენის პროექტების განხორციელება, განსაკუთრებით საფრთხის ქვეშ მყოფი სახეობების - ლაფანის, ჰართვისის მუხის და კოლხური ბზის თანამონაწილეობით. მიმდინარეობს სამეცნიერო კვლევები შვეიცარიის ფრიბურგის უნივერსიტეტის მეცნიერებთან ერთად.

ბათუმის შოთ რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის გამძლეობის გენეტიკის განყოფილების უფროსმა ზოია სიხარულიძემ მონაწილეობა მიიღო მაროკოში, ქალაქ მარაკეში გამართულ მარცვლოვანთა ჟანგების გლობალური მონიტორინგის საერთაშორისო ვორკშოპში ( BGRI ). ერთი კვირის განმავლობაში 51 ქვეყნის 300 წარმომადგენელმა ხორბლისა და მისი ძირითადი დაავადებების კვლევები წარმოადგინა. ვორკშოპზე წარმოდგენილი იყო ინსტიტუტის გამძლეობის გენეტიკის განყოფილებისა და მინესოტას უნივერსიტეტის მარცვლოვანთა დაავადებების ლაბორატორიის ერთობლივი კვლევის შედეგები. ღონისძიების ფარგლებში კონკრეტულ საკითხებზე გაიმართა სამეცნიერო ტრენინგები, მკვლევართა შეხვედრები და განისაზღვრა სამომავლო თანამშრომლობის მიმართულებები.

ფიტოპათოლოგიისა და ბიომრავალფეროვნების ინსტიტუტში დანიის კოპენჰაგენის უნივერსიტეტის გეომეცნიერებათა და ბუნებრივი რესურსების მენეჯმენტის დეპარტამენტის ასოცირებულმა პროფესორმა ჰანს პიტერ რავნიმ ლექცია წაიკითხა CABI - აგრობიომრავალფეროვნებისა და ბიომრავალფეროვნების ბიოკონტროლის საერთაშორისო სამეცნიერო ორგანიზაციის შესახებ. პროფესორ ჰანს პიტერ რავნისა და ახალგაზრდა მკვლევარის მათიას იუსტ იუსტესენის ვიზიტი მიზნად ისახავდა საქართველოში მსოფლიო წითელი ნუსხის სახეობის ნორდმანიის ფიჭვის დანიაში გავრცელებული მავნებლის „Leucopis hennigrata – Dreyfusia nordmannianae“ წინააღმდეგ ბუნებრივი მტრის მოძიებასა და ბრძოლის ბიოლოგიური მეთოდების დანერგვას.

ფიტოპათოლოგიის და ბიომრავალფეროვნების ინსტიტუტის გამძლეობის გენეტიკის განყოფილების უფროსმა ზოია სიხარულიძემ და განყოფილების უფროსმა მეცნიერ თანამშრომელი ქეთევან ნაცარიშვილმა მონაწილოება მიიღეს 24-25 მაისს, თბილისში გამართულ ეროვნული სამეცნიერო სემინარში „სასურსათო უსაფრთხოების ზრდა საქართველოში ხორბლის გენეტიკური რესურსების შერჩევის და თესლის წარმოების გზით“. მკვლევარმა ზოია სიხარულიძემ ქართველ და უცხოელ მეცნიერებს მოხსენება წარუდგინა თემაზე: „საქართველოში ხორბლის დაავადებების კვლევის სტატუსი“.

ფიტოპათოლოგიისა და ბიომრავალფეროვნების ინსტიტუტში ჩატარდა სემინარი თემაზე: „ციტრუსოვანთა გენეტიკური რესურსები საქართველოში“. სემინარს უძღვებოდა ფიტოპათოლოგიისა და ბიომრავალფეროვნების ინსტიტუტის მთავარი მეცნიერ თანამშრომელი, ნელი ხალვაში. საქართველოს გეოგრაფიულმა მდებარეობამ, გან¬სა-კუთრებით შავი ზღვის სანაპირო რეგიონების ნიადაგურ-კლიმატურმა პირო¬ბებმა, განუმეორებელმა ჰავამ და ლანდშაფტების უნიკალურობამ მნიშვნელოვნად შეუწყო ხელი ქვეყანაში უცხოური ეგზოტების, მათ შორის ციტრუსოვანთა ინტროდუქციას.