30 სექტემბრიდან 3 ოქტომბრამდე, ფიტოპათოლოგიის და ბიომრავალფეროვნების ინსტიტუტს სამუშაო ვიზიტით ეწვია ეროვნული სამეცნიერო ფონდის №FR-23-5165 საგრანტო პროექტის -„ხორბლის ღეროს ჟანგას, ფოთლის ჟანგას და ყვითელი ჟანგას პოპულაციის ვირულენტობის ფენოტიპური და გენეტიკური მრავალფეროვნება საქართველოში“ - უცხოელი კონსულტანტი, თურქეთის აკდენიზის უნივერსიტეტის ასოცირებული პროფესორი მეჰმეთ თექინი. მისი ვიზიტის მიზანი იყო პროექტის შუალედური სამეცნიერო შედეგების შეფასება, ერთობლივი კვლევების დაგეგმვა, ფბ ინსტიტუტისა და ბათუმის შოთა რუსთაველის სახელმწიფო უნივერსიტეტის საქმიანობის გაცნობა და ურთიერთანამშრომლობის ჩამოყალიბება.

„ტრანსსასაზღვრო მეცნიერება უფრო სუფთა და მდგრადი შავი ზღვისათვის“ - ამ სახელწოდებით CARE SEA პროექტის დასკვნითი საერთაშორისო სამეცნიერო კონფერენცია გაიმართა. ღონისძიებაზე პროექტის ფარგლებში განხორციელებული კვლევების შედეგები, მიღებული გამოცდილება და შავი ზღვის ეკოლოგიური მდგომარეობის გაუმჯობესების მიმართულებით სამომავლო თანამშრომლობის შესაძლებლობები განიხილეს.

საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონია, ბსუ-ს რექტორთან ტიტე აროშიძესთან ერთად, ქობულეთის მუნიციპალიტეტში ბსუ-ს ფიტოპათოლოგიისა და ბიომრავალფეროვნების ინსტიტუტის მეცნიერ-თანამშრომლებს შეხვდა.

ბსუ-ს აკადემიური საბჭოს გასვლითი სხდომა ქობულეთში, უნივერსიტეტის ფიტოპათოლოგიისა და ბიომრავალფეროვნების ინსტიტუტში გაიმართა.
საბჭოს წევრებმა დღის წესრიგით გათვალისწინებული მიმდინარე საკითხები განიხილეს. აკადემიური საბჭოს სხდომას ასევე ესწრებოდნენ ადმინისტრაციის ხელმძღვანელი მერაბ დიასამიძე, რექტორის მოადგილე თამარ სირაძე, ფაკულტეტების დეკანები და სტრუქტურული ერთეულების წარმომადგენლები. სხდომის დასრულების შემდეგ, მონაწილეები გაეცნენ ინსტიტუტის საქმიანობას, მიმდინარე სამეცნიერო პროექტებსა და კვლევით ინფრასტრუქტურას.

ბათუმის შოთა რუსთაველის სახელმწიფო უნივერსიტეტის მეცნიერი, ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების უფროსი იზოლდა მაჭუტაძე, მრავალწლიანი ნაყოფიერი სამეცნიერო და საზოგადოებრივი საქმიანობისა და ქობულეთის მუნიციპალიტეტის განვითარებაში შეტანილი განსაკუთრებული წვლილისთვის, „საპატიო ქობულეთელის“ წოდებით დაჯილდოვდა. ჯილდო ქალბატონ იზოლდას აჭარის მთავრობის თავმჯდომარემ ზურაბ პატარაძემ და უმაღლესი საბჭოს თავმჯდომარე ცოტნე ანანიძემ გადასცეს.