ბსუ-ს ტურიზმის ფაკულტეტმა ვადიმ გეტმანის სახელობის კიევის ნაციონალური ეკონომიკის უნივერსიტეტის დელეგაციას უმასპინძლა. სტუმრებს ტურიზმის ფაკულტეტის დეკანმა როსტომ ბერიძემ ფაკულტეტის წარმომადგენლებთან ერთად, ბათუმის შოთა რუსთაველის სახელმწიფო უნივერსიტეტის ისტორია, საგანმანათლებლო პროგრამები, ელექტრონული რესურსები და მატერიალურ-ტექნიკური ბაზა გააცნო.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის 62 სტუდენტი სასწავლო პრაქტიკით გერმანიაში მიემგზავრება. ახალგაზრდებს პროექტში გამარჯვება მიულოცეს და წარმატებები უსურვეს ბსუ-ს რექტორმა მერაბ ხალვაშმა, აჭარის ა.რ. მთავრობის თავმჯდომარემ თორნიკე რიჟვაძემ, აჭარის ა.რ. განათლების კულტურისა და სპორტის მინისტრმა მაია ხაჯიშვილმა და ბსუ-ს ადმინისტრაციის ხელმძღვანელმა ნიკა ჩხარტიშვილმა.

ტურიზმის ფაკულტეტის პროფესორმა როსტომ ბერიძემ „ტურიზმის მენეჯმენტის" მაგისტრატურის სტუდენტებს მასტერკლასის ლექცია ჩაუტარა თემაზე „სოფლად ტურიზმის განვითარების სტრატეგია, ახალი გამოწვევები". პანდემიის შემდეგ სოფლად ტურიზმი მეტად პოპულარული იქნება, რადგანაც ტურისტები მოერიდებიან ხალხმრავალ ადგილებს და უპირატესობას მიანიჭებენ ეკოლოგიურად სუფთა გარემოში დასვენებას. ეს ახალი ტენდენცია პოზიტიური მოვლენა იქნება და ტურისტებს შორის ადრე არაპოპულარული ადგილები გახდება შემოსავლის მომტანი. ეს თავისთავად აქტუალურს ხდის კოვიდ-19 პანდემიის შემდეგ სოფლად ტურიზმის განვითარების ახალი სტრატეგიის შემუშავებას.

ამერიკულმა საკრუიზო კომპანიამ „INCRUISES“-მა ტურიზმის ფაკულტეტის სტუდენტებისთვის ონლაინ პრეზენტაცია ჩაატარა. საკრუიზო კლუბი აერთიანებს 16 საკრუიზო კომპანიის 300 საკრუიზო გემს, რომელიც 5,000 მიმართულებით მოგზაურობს დედამიწის გარშემო. საკრუიზო კომპანიაში გაერთიანებულია 813,026 მოგზაური და 200,848 ბიზნეს პარტნიორი 192 ქვეყანაში, მათ შორის საქართველოში და უკვე რამოდენიმე პარტნიორით ბათუმში. შეხვედრის მიზანი იყო სტუდენტებისთვის შემოთავაზებული შესაძლებლობის გაცნობა, რომელიც საკრუიზო ტურიზმით დაინტერესებულ ახალგაზრდებს დაეხმარება კარიერული მიზნების უკეთ რეალიზებაში.

ბსუ-ს ტურიზმის ფაკულტეტის საბაკალავრო პროგრამის სტუდენტებისთვის პრაქტიკული სასწავლო ხასიათის ვიზიტი განხორციელდა სასტუმრო “Paragraph Resort & Spa Shekvetili, Autogragh Collection”- ში. შეხვედრა „სასტუმროს მენეჯმენტის” სასწავლო კურსის ფარგლებში გაიმართა და მიზნად ისახავდა სტუდენტების ცოდნის გაღრმავებას, მაღალი დონის სასტუმრო სივრცეში პრაქტიკული უნარ-ჩვევების გამოვლენასა და დასაქმების შესაძლებლობების გაცნობას.