ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასოცირებულმა პროფესორმა ეკატერინე ბახტაძემ, მესამე მისიის ფარგლებში ბათუმის კერძო სკოლში - „მეგა სკოლა“ ჩაატარა საჯარო ლექცია თემაზე: „ტურიზმი, როგორც მსოფლიოს აღმოჩენის, დასვენების, გართობის და დასაქმების შესაძლებლობა“.

ბათუმის შოთა რუსთაველის სახელმწიფო უნივერსიტეტსა და ფრანკოფონიის საუნივერსიტეტო სააგენტოს შორის თანამშრომლობის ხელშეკრულების ფარგლებში, 2025 წლის 15-16 მაისს ბსუ-ში ჩატარდა ბათუმის CEF და თბილისის CEF -ის ერთობლივი ინტენსიური ტრენინგი თემაზე: „პროექტების დაგეგმვა და მართვა”. ტრენინგს უძღვებოდა PMI-ის სერტიფიცირებული ტრენერი-ესოვე აბალო.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტი ტურიზმისა და სასტუმრო აღჭურვილობის მე-16 საერთაშორისო გამოფენაში - „EBIT - 2025’’მონაწილეობს. სტუდენტებმა და პროფესორ-მასწავლებლებმა დამთვალიერებლებს ტურიზმის საგანმანათლებლო პროგრამა, საუნივერსიტეტო ცხოვრება, სერვისები გააცნეს და ტურისტული პროდუქტები წარუდგინეს.

ბათუმის სახელმწიფო უნივერსიტეტის ასისტენტ პროფესორმა თეონა ზოიძემ ბათუმის მე-30 საჯარო სკოლის მე-11 კლასის მოსწავლებისთვის ჩაატარა საჯარო ლექცია თემაზე: „კულტურული ტურიზმი — კულტურათაშორისი დიალოგისა და მშვიდობის გარანტი“. ლექციის მიზანი იყო კულტურული ტურიზმის არსისა და მისი როლის გააზრება გლობალური მშვიდობის მშენებლობის პროცესში. მოხსენებაში ხაზი გაესვა იმას, რომ სხვადასხვა კულტურის, ტრადიციისა და ისტორიის გაცნობა მნიშვნელოვნად აძლიერებს ადამიანებს შორის ურთიერთგაგებას, ზრდის ტოლერანტობას და ეხმარება კონფლიქტების თავიდან აცილებაში.

8 მაისს, ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტ-პროფესორმა ნათია ბერიძემ, უნივერსიტეტის მესამე მისიის ფარგლებში, სკოლაში „თაობა“ ჩაატარა საჯარო ლექცია თემაზე: „ტურიზმი: პროფესია და შესაძლებლობები“.