ახალი ამბები

სამსუნის 19 მაისისა და ბაშარის უნივერსიტეტებში ორდღიანი ვიზიტით იმყოფებოდნენ ბათუმის შოთა რუსთაველის სახელმწიფო უნივერსიტეტის რექტორი, პროფესორი ალიოშა ბაკურიძე, სამეცნიერო ცენტრის დირექტორი ემზარ ძირკვაძე და განათლებისა და მეცნიერებათა ფაკულტეტის ასოცირებული პროფესორი ემზარ მაკარაძე. 19 მაისის უნივერსიტეტის რექტორის მოადგილესთან, პროფესორ დოქტორ ჰაკან ლებლეჯიოღლუსთან, სამედიცინო ფაკულტეტის დეკანთან, პროფესორ დოქტორ ალი ჰაიდარ შაჰინოღლუსთან, დეკანის მოადგილესთან, პროფესორ დოქტორ ფარუქ ბაღრჯისთან და ბაშარის უნივერსიტეტის რექტორთან, პროფესორ იუნუს ბექდემირთან გამართულ შეხვედრებზე მხარეები სამომავლო თანამაშრომლობაზე შეთანხმდნენ. დაიგეგმა მასპინძელ უნივერსიტეტებთან მემორანდუმის გაფორმება, ერთობლივი სასწავლო-სამეცნიერო პროექტებისა და გაცვლითი პროგრამების განხორციელება.

ბათუმის შოთა რუსთაველის სახელმწიფო უნივერსიტეტსა და ჯანდაცვის ცენტრალურ რეფერალურ ლაბორატორიას შორის თანამშრომლობის მემორანდუმი გაფორმდა. ლაბორატორიის ბაზაზე სტუდენტებისა და მკვლევრების მონაწილეობით კვლევები ჩატარდება ბიოუსაფრთხოებისა და ბიოლოგიის მიმართულებით. მემორანდუმი ასევე ითვალისწინებს საერთაშორისო სტანდარტებზე დაფუძნებული საგანმანათლებლო სისტემის განვითარებას, ერთობლივი პროექტებისა და გაცვლითი პროგრამების განხორციელებას. მომზადდება და რეფერირებად სამეცნიერო ჟურნალებში გამოქვეყნდება ერთობლივი ნაშრომები, პუბლიკაციები. ასევე შემუშავდება რეკომენდაციები, სასწავლო გეგმები და სილაბუსები. უახლესი აპარატურითა და ტექნოლოგიებით აღჭურვილი ქართულ-ამერიკული ლაბორატორია ერთადერთია კავკასიაში და მიზნად ისახავს რეგიონში საერთაშორისო პარტნიორობის გაძლიერებასა და ინფექციური დაავადებების გავრცელების წინააღმდეგ ბრძოლას.

თანამშრომლობის მემორანდუმს მოაწერეს ხელი ბათუმის შოთა რუსთაველის სახელმწიფო უნივერსიტეტის რექტორმა, პროფესორმა ალიოშა ბაკურიძემ და უკრაინის მეცნიერების ეროვნული აკადემიის კიევის სამართლის უნივერსიტეტის რექტორმა, პროფესორმა იური ბოშიცკიმ. ხელშეკრულება მიზნად ისახავს პარტნიორ უმაღლეს საგანმანათლებლო დაწესებულებებში ერთობლივი სასწავლო-საგანმანათლებლო და სამეცნიერო პროექტების განხორციელებას. მემორანდუმის ფარგლებში სტუდენტებისა და პროფესორ-მასწავლებლებისათვის ამოქმედდება გაცვლითი პროგრამები, ჩატარდება ტრენინგები, კონფერენციები და სიმპოზიუმები.

ოთხდღიანი ვიზიტით ბათუმის შოთა რუსთაველის სახელმწიფო უნივერსიტეტის დელეგაცია ნახჭევანის სახელმწიფო უნივერსიტეტს ეწვია. ვიზიტი მიზნად ისახავდა ორ უმაღლეს საგანმანათლებლო დაწესებულებას შორის თანამშრომლობის გაღრმავებას, ერთობლივი სასწავლო-სამეცნიერო პროექტების დაგეგმვასა და განხორციელებას. დელეგაციის ხემძღვანელი, სამეცნიერო ცენტრის დირექტორი ემზარ ძირკვაძე, წევრები ტურიზმის ფაკულტეტის დეკანი როსტომ ბერიძე, განათლების და მეცნიერებათა ფაკულტეტის დეკანის მარინა ქორიძე, განათლების და მეცნიერებათა ფაკულტეტის დეკანის მოადგილე ინგა შამილიშვილი, კომპიუტერული ტექნოლოგიების დეპარტამენტი ასისტენტ პროფესორ მიხეილ დონაძე ნახჭევანის სახელმწიფო უნივერსიტეტის რექტორს - გაბიბეილი ისა აკპერ ოღლის, პრორექტორებსა და ადმინისტრაციის ხელმძღვანელებს შეხვდნენ. ნახჭევანის სახელმწიფო უნივერსიტეტის წარმომადგენლები საპასუხო ვიზიტით ბათუმის სახელმწიფო უნივერსიტეტს ოქტომბერში ეწვევიან.

ბათუმის შოთა რუსთაველის სახელმწიფო უნივერსიტეტის კურსდამთავრებულთა საზეიმო გაცილება გაიმართა. რექტორმა, პროფესორმა ალიოშა ბაკურიძემ მანტიებში გამოწყობილ წარჩინებულ სტუდენტებს უმაღლესი საგანმანათლებლო დაწესებულების დამთავრება მიულოცა და სიგელები და სამახსოვრო საჩუქრები გადასცა. ახალგაზრდებს გზა დაულოცეს და წარმატებები უსურვეს აჭარის უმაღლესი საბჭოს თავმჯდომარემ მიხეილ მახარაძემ, აჭარის განათლების, კულტურისა და სპორტის მინისტრმა გია აბულაძემ, ქალაქ ბათუმის მერმა რობერტ ჩხაიძემ, დეკანოზმა, მამა თევდორემ და საზოგადოების წარმომადგენლებმა. უნივერსიტეტი წელს 932 სტუდენტმა დაამთავრა. კურსდამთავრებულთა საზეიმო გაცილების ფარგლებში საუნივერსიტეტო ცხოვრების ამსახველი ფოტოგამოფენა მოეწყო. მაყურებლის წინაშე წარსდგენ ბათუმის შოთა რუსთაველის სახელმწიფო უნივერსიტეტის ქორეოგრაფიული ანსამბლი ,,ტბეთი“, თანამედროვე ცეკვის ანსამბლი ,,M style 13”, ფოლკლორული და ვოკალური ანსამბლები. კურსდამთავრებულთა საზეიმო გაცილების ცერემონია ჯგუფი ,,მგზავრების“ კონცერტით, მანათობელი ფრანებისა და ფოიერვერკების გაშვებით დასრულდა