ბსუ-ს ფიტოპათოლოგიისა და ბიომრავალფეროვნების ინსტიტუტის მეცნიერ თანამშრომლებმა ლამზირი გორგილაძემ და რუსუდან დუმბაძემ მესამე მისიის ფარგლებში საინფორმაციო შეხვედრა ჩაატარეს ქობულეთის N2 საჯარო სკოლაში. მომხსენებლებმა მოსწავლეებს გააცნეს ინფორმაცია ფიტოპათოლოგიისა და ბიომრავალფეროვნების ინსტიტუტის სამეცნიერო საქმიანობის შესახებ და წარადგინეს პრეზენტაცია „მცენარე და პათოგენური მიკროორგანიზმები“. მკვლევრებმა ისაუბრეს მცენარეთა აბიოტურ (არაპარაზიტულ, არაინფექციურ) და ბიოტური (პარაზიტულ, ინფექციურ) დაავადებებზე, მათ გამომწვევ სოკოვან, ბაქტერიულ, ვირუსულ, მიკოპლაზმურ მიკროორგანიზმებზე და ყვავილოვან პარაზიტებზე. განსაკუთრებული ყურადღება გაამახვილეს მცენარეთა დაავადებების გამომწვევი პარაზიტების ტიპებზე, დაავადებების სიმპტომებზე, ფიტოპათოგენების მავნეობაზე, მიკროორგანიზმების სასარგებლო თვისებებსა და სოკოსა მცენარის სიმბიოზურ თანაცხოვრებაზე.

ბსუ-ს ფიტოპათოლოგიისა და ბიომრავალფეროვნების ინსტიტუტის მცენარეთა დაავადებების მონიტორინგის, დიაგნოსტიკისა და მოლეკულური ბიოლოგიის განყოფილების მეცნიერ თანამშრომელმა ნანა ჯაბნიძემ მესამე მისიის ფარგლებში, ბათუმის მე-2-ე საჯარო სკოლაში შეხვედრა ჩაატარა. მომხსენებელმა მოსწავლეებს გააცნო ინფორმაცია ფიტოპათოლოგიისა და ბიომრავალფეროვნების ინსტიტუტის საქმიანობის შესახებ და მოხსენება გააკეთა თემაზე: „სტევია, როგორც სასარგებლო და ანტიმიკრობული მცენარე“. ნანა ჯაბნიძემ მოსწავლეებს გააცნო სამკურნალო მცენარის სტევიას (Stevia Rebaudiana Bertoni) სასარგებლო თვისებებისა და მისი გამოყენების პერსპექტივები.

ბსუ-ს ფიტოპათოლოგიისა და ბიომრავალფეროვნების ინსტიტუტის ბიომრავალფეროვნების მონიტორინგისა და კონსერვაციის განყოფილებამ მესამე მისიის ფარგლებში ბობოყვათის საჯარო სკოლის მოსწავლეებს უმასპინძლა. განყოფილების ხელმძღვანელმა, მთავარმა მეცნიერ თანამშრომელმა ავთანდილ მესხიძემ სტუმრებს პრეზენტაცია წარუდგინა თემაზე: „აგრარული განათლება ქვეყნის მომავალია“. მომხსენებელმა ისაუბრა აგრარულ სფეროში არსებული გამოწვევების შესახებ და მსმენელებს გააცნო, თუ რა როლი უნდა შეასრულოს მომავალმა სპეციალისტმა აგრარული მიმართულებით არსებული მდგომარეობის გასაუმჯობესებლად. სკოლის მოსწავლეებმა და პედაგოგებმა დაათვალიერეს ინსტიტუტის კაბინეტ-ლაბორატორიები და გაეცნენ მუშაობის სპეციფიკას. ასევე გაეცნენ ინსტიტუტის ტერიტორიაზე არსებული სასოფლო სამეურნეო კულტურების (ციტრუსების, კივის, ფეიჰოას, თხილის, ხეხილოვნების, კენკროვნების, კამელიის, ვაზის, სამკურნალო მცენარეების), საცდელ-საკოლექციო ნაკვეთებს.

ბსუს ფიტოპათოლოგიისა და ბიომრავალფეროვნების ინსტიტუტის ბიომრავალ¬ფეროვ¬ნების, მონიტორინგისა და კონსერვაციის განყოფილების გამგემ ავთანდილ მესხიძემ ჩაატარა სემინარი თემაზე: „სუბტროპიკული სოფლის მეურნეობის თანამედროვე გამოწვევები". მომხსენებელმა ისაუბრა სუბტროპიკული ზონის ნიადაგ-კლიმატური პირობების მნიშვნელობაზე და იმ ძირითად სუბტროპიკულ კულტურებზე, რომელიც შესაძლებელია გაშენდეს საქართველოს სუპტროპიკულ ზონაში და ისედაც მცირემიწიან ქვეყანაში არსებული სავარგულები არ იყოს დაკავებული მხოლოდ მონოკულტურით. მკვლევარმა ასევე გაამახვილა ყურადღება კულტურათა შეთანაწყობაზე და ისაუბრა თითოეული კულტურის გაშენების ძლიერ და სუსტ მხარეებზე.

მესამე მისიის ფარგლებში, ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის უფროსმა მეცნიერ თანამშრომელმა, ირაკლი მიქელაძემ შეხვედრა ჩაატარა ბათუმის 30-ე საჯარო სკოლაში. ირაკლი მიქელაძემ მოსწავლეებს წარუდგინა ინფორმაცია ფიტოპათოლოგიისა და ბიომრავალფეროვნების ინსტიტუტის სამეცნიერო კვლევითი საქმიანობის, მიღწევებისა და სამომავლო გეგმების შესახებ. მომხსენებელმა გააკეთა პრეზენტაცია თემაზე: „უცხო წარმოშობის ინვაზიური და სარეველა მცენარეები ფიტოცენოზებსა და აგროლანდშაფტებში, არსებული გამოწვევები და პრევენციის გზები“.