ბსუ-ს ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების ხელმძღვანელმა იზოლდა მაჭუტაძემ ძმები ნობელების სახელობის ტექნოლოგიურ მუზეუმში პროექტ სამუზეუმო საათის ფარგლებში, საჯარო ლექცია წაიკითხა თემაზე: „კოლხეთის რამსარსაიტები, იუნესკოს მსოფლიო ბუნებრივი მემკვიდრეობის საგანძური“. მომხსენებელმა ისაუბრა ბუნებრივი სიმდიდრეების კონსერვაციასა და გონივრულ გამოყენებაზე. მკველვარმა იზოლდა მაჭუტაძემ ლექციაზე ასევე ყურადღება გაამახვილა UNESCO-ს მსოფლიო ბუნებრივი მემკვიდრეობის უბანზე: კოლხეთის ნოტიო ტყეებზე, UNESCO-ს კრიტერიუმებსა და სფაგნუმიანი ტორფნარების გარემოსდაცვით როლზე.

უნივერსიტეტის მესამე მისიის ფარგლებში ფიტოპათოლოგიისა და ბიომრავალფეროვნების ინსტიტუტის უფროსმა მეცნიერ თანამშრომელმა ირაკლი მიქელაძემ 24, 25, 26, 29 და 30 იანვარს შეხვედრები ჩაატარა ქობულეთის, ხელვაჩაურის, ლანჩხუთის, ჩოხატაურის და ოზურგეთის საგანმანათლებლო რესურსცენტრებში. შეხვედრაში მონაწილეობას ღებულობდნენ საჯარო და კერძო სკოლების საბუნებისმეტყველო საგნების მასწავლებლები.
ირაკლი მიქელაძემ მასწავლებლებს წარუდგინა ინფორმაცია ფიტოპათოლოგიისა და ბიომრავალფეროვნების ინსტიტუტის სამეცნიერო კვლევითი საქმიანობის, მიღწევებისა და გეგმების შესახებ. ასევე გააკეთა პრეზენტაცია თემაზე: უცხო წარმოშობის ინვაზიური და სარეველა მცენარეები ფიტოცენოზებსა და აგროლანდშაფტებში, არსებული გამოწვევები და პრევენციის გზები.

ბსუ-ს ფიტოპათოლოგიისა და ბიომრავალფეროვნების ინსტიტუტის უფროს მეცნიერ თანამშრომელმა მაკა მურადაშვილმა განათლების საერთაშორისო ცენტრის „2023-2024 აკადემიური წლის საზღვარგარეთ კვალიფიკაციის ამაღლების სასტიპენდიო პროგრამის“ ფარგლებში მონაწილეობა მიიღო ნიდერლანდების ვაგენინგენის კვლევით უნივერსიტეტის პროექტში „პექტობაქტერიუმით გამოწვეული კარტოფილის რბილი სიდამპლის ეპიდემიოლოგიური კვლევა“. ვიზიტი გრძელდებოდა 2023 წლის პირველი ნოემბრიდან 2 დეკემბრის ჩათვლით, რომლის მიზანი იყო ბსუ-ს ფიტოპათოლოგიისა და ბიომრავალფეროვნების ინსტიტუტის საქმიანობის გაცნობა და ვაგენინგენის ინსტიტუტის მეცნიერებთან თანამშრომლობის ჩამოყალიბება.

ბსუ-ს ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების ხელმძღვანელმა, მკვლევარმა იზოლდა მაჭუტაძემ მონაწილეობა მიიღო ანტვერპენის უნივერსიტეტში (ბელგია), 19-21 სექტემბერს გამართულ სიმპოზიუმში „გააძლიერე ბუნება, კლიმატი და მომავალი ახლავე!“. სიმპოზიუმის 550 მონაწილემ, მათ შორის ევროპარლამენტისა და ევროკომისიის წარმომადგენლებმა, მოითხოვეს ევროპაში ერთობლივი გადაუდებელი ზომების მიღება ეკოსისტემების დასაცავად. კონფერენციაზე მომზადდა დეკლარაცია, რომელსაც მხარს უჭერს 90-ზე მეტი ხელმომწერი - ევროკავშირის პროექტების წარმომადგენლები, მეცნიერები, ბათუმის შოთა რუსთაველის სახელმწიფო უნივერსიტეტი, არასამთავრობო ორგანიზაციები და ფერმერები. დეკლარაცია გადაგზავნილია ევროპარლამენტში.

ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის სამეცნიერო პერსონალმა, ხულოს, ქედისა და ქობულეთის მუნიციპალიტეტებში, საველე, ე.წ. „მცენარეთა ჯანმრთელობის კლინიკა“ მოაწყო. მეცნიერები, აგრონომები, ფიტოპათოლოგები, ექსტენციის და სხვა სპეციალისტები, ფერმერებს მცენარის დაავადებებთან და სხვა პათოლოგიებთან დაკავშირებული პრობლემების მოგვარებაში დაეხმარნენ და საველე პირობებში უფასო კონსულტაციები გაუწიეს.