2024 წელს შავი ზღვის აუზის გრანტების პროგრამის (Interreg Next Black Sea) ფარგლებში, რომელიც ევროკავშირის ფინანსური მხარდაჭრით ხორციელდება, გამოვლინდა გამარჯვებული პროექტი CARE SEA- „თანამშრომლობა და ინფორმირებულობა დაბინძურებისგან თავისუფალი და ეკოლოგიურად მდგრადი შავი ზღვისთვის“ (Cooperation and Awareness for Pollution-free and Environmentally Sustainable Black Sea) - CARE SEA.
ბსუ-ს ფიტოპათოლოგიისა და ბიომრავალფეროვნების ინსტიტუტის გამძლეობის გენეტიკის განყოფილების გამგემ მთავარმა მეცნიერ თანამშრომელმა ზოია სიხარულიძემ მესამე მისიის ფარგლებში, ქობულეთის №5 საჯარო სკოლის მოსწავლეებს ინსტიტუტში უმასპინძლა და საინფორმაციო შეხვედრა ჩაატარა. მომხსენებელმა მოსწავლეებთან გააკეთა პრეზენტაცია თემაზე „ფიტოპათოლოგიის არსი და პრობლემები“, სადაც ძირითადად ყურადღება გამახვილდა ფიტოპათოლოგიისა და ბიომრავალფეროვნების ინსტიტუტის მნიშვნელობაზე რეგიონსა და სახელმწიფოში. მოსწავლეებმა და პედაგოგებმა დაათვალიერეს მატერიალ ტექნიკური ბაზა, საცდელი ნაკვეთები და სათბური, მიეწოდათ ინფორმაცია მიმდინარე აქტივობების შესახე და მათ მნიშვნელობაზე.
ბსუს ფიტოპათოლოგიისა და ბიომრავალფეროვნების ინსტიტუტის მცენარეთა დაავადებების მონიტორინგის, დიაგნოსტიკისა და მოლეკულური ბიოლოგიის განყოფილების უფროსმა მეცნიერ თანამშრომლებმა მზიური გაბაიძემ და სოსო მეფარიშვილმა მესამე მისიის ფარგლებში საინფორმაციო შეხვედრა ჩაატარეს ქობულეთის მუნიციპალიტეტის სოფელ სახალვაშოს საჯარო სკოლის მოსწავლეებთან. შეხვედრაზე მომხსენებლებმა პრეზენტაცია გააკეთეს თემაზე „ციტრუსოვანთა პრობლემები”, სადაც ძირითადად ყურადღება გამახვილდა მეციტრუსეობის დარგში არსებულ პრობლემებზე, მოსავლიანობის შემცირების მიზეზებზე და მათი აღმოფხვრის გზებზე.
ბსუს ფიტოპათოლოგიისა და ბიომრავალფეროვნების ინსტიტუტის მცენარეთა დაავადებების მონიტორინგის, დიაგნოსტიკისა და მოლეკულური ბიოლოგიის განყოფილების მეცნიერ თანამშრომელმა მაკა მურადაშვილმა მესამე მისიის ფარგლებში ქობულეთის ილია ჭავჭავაძის სახელობის N2 საჯარო სკოლის მოსწავლეებს უმასპინძლა. მომხსენებელმა მოსწავლეებს გააცნო ინფორმაცია ფიტოპათოლოგიისა და ბიომრავალფეროვნების ინსტიტუტში მიმდინარე საქმიანობის შესახებ და მოხსენება გააკეთა თემაზე „მიკროორგანიზმთა ანტაგონიზმი, როგორც ბრძოლის უსაფრთხო საშუალება მცენარეთა დაცვაში”.
