31 ოქტომბერს, შავი ზღვის საერთაშორისო დღესთან დაკავშირებით, ბათუმის შოთა რუსთაველის სახელმწიფო უნივერსიტეტში, Interreg NEXT Black Sea Basin პროგრამის პროექტის „GreenS4BlackSea“ (BSB01246) ფარგლებში, სტუდენტებისა და სკოლის მოსწავლეებისთვის შემეცნებით-საგანმანათლებლო ღონისძიება გაიმართა.
ბათუმის შოთა რუსთაველის სახელმწიფო უნივერსიტეტში გაიმართა ინტერაქციული ლექცია თემაზე: „სტატისტიკური მეთოდების როლი ქიმიურ და ბიოლოგიურ კვლევებში: თეორიული საფუძვლები და პრაქტიკული გამოყენება“. ლექციას უძღვებოდა მაია ციკოლია - ქიმიის დოქტორი, მოწვეული სპეციალისტი.
ღრმა მწუხარებას გამოვთქვამთ საბუნებისმეტყველო მეცნიერებათა და ჯანდაცვის ფაკულტეტის ასოცირებული პროფესორის, გამოცდილი პრაქტიკოსი ექიმის, გიორგი ჟღენტის გარდაცვალების გამო. გიორგი ჟღენტი გამოირჩეოდა მაღალი პროფესიონალიზმით, პრინციპულობით, ობიექტურობითა და კოლეგიალობით. იგი იყო მომთხოვნი და სამართლიანი პედაგოგი, რომელიც სტუდენტებთან მუშაობას გულითა და განსაკუთრებული პასუხისმგებლობით ეკიდებოდა. მისთვის მნიშვნელოვანი იყო არა მხოლოდ ცოდნის გადაცემა, არამედ მომავალი ექიმების პროფესიულ და პიროვნულ ჩამოყალიბებაში საკუთარი წვლილის შეტანა.
ბათუმის შოთა რუსთაველის სახელმწიფო უნივერსიტეტში მიმდინარე საგრანტო პროექტის „განსაკუთრებული საჭიროების მქონე პაციენტებისთვის სტომატოლოგიური მომსახურების გაძლიერება და ექიმ-სტომატოლოგთა უწყვეტი განათლების ხელშეწყობა საქართველოში“ ფარგლებში, პროექტში ჩართულმა პერსონალმა განახორციელა საგანმანათლებლო აქტივობა, რომელიც მიზნად ისახავდა განსაკუთრებული საჭიროების მქონე ბავშვებსა და მათი ოჯახის წევრებში პირის ღრუს ჯანმრთელობისა და სტომატოლოგიურ დაავადებათა პრევენციის შესახებ ცნობიერების ამაღლებას.
გიწვევთ ბსუ-ს დიპლომისშემდგომი სამედიცინო განათლების (პროფესიული მზადების) პროგრამა „რადიოლოგიის“ რეზიდენტთა რიგით III სასწავლო კონფერენციაზე.
