გამომცემლობა Springer“-ის საერთაშორისო სამეცნიერო ჟურნალი „Journal of Mathematical Sciences“ აცხადებს სტატიების მიღებას სპეციალური ნომრისთვის, სახელწოდებით „ ქალი მათემატიკოსები კავკასიაში (Women in Mathematics in the Caucasus)“. აღსანიშნავია, რომ ჟურნალი „Journal of Mathematical Sciences“ ინდექსირებულია საერთაშორისო სამეცნიერო ბაზაში - Scopus, რაც კიდევ უფრო ზრდის სპეციალურ ნომერში გამოქვეყნებული სამეცნიერო ნაშრომების საერთაშორისო ხილვადობასა და აკადემიურ მნიშვნელობას.

ბათუმის შოთა რუსთაველის სახელმწიფო უნივერსიტეტი მასპინძლობს საერთაშორისო სამეცნიერო კონფერენციას „განათლება გლობალურ სამყაროში: კვლევა, პოლიტიკა და პრაქტიკა“. ღონისძიება განათლების სფეროში მიმდინარე ცვლილებების, კვლევის შედეგებისა და პედაგოგიური გამოცდილების განხილვას, საერთაშორისო აკადემიური თანამშრომლობის გაძლიერებასა და პროფესიულ დიალოგს ემსახურება.

ბათუმის შოთა რუსთაველის სახელმწიფო უნივერსიტეტი ულოცავს ფიზიკის დეპარტამენტის ასისტენტ-პროფესორ მირანდა ხაჯიშვილს მასწავლებლის ეროვნული პრემიით დაჯილდოებას!

ბსუ-ში საერთაშორისო სამეცნიერო-პრაქტიკული კონფერენცია გაიმართა თემაზე: „გადაწყვეტილების მიღების პრობლემები განუსაზღვრელობის პირობებში“. კონფერენცია გახსნეს და მონაწილეებს მისასალმებელი სიტყვით მიმართეს ბათუმის შოთა რუსთაველის სახელმწიფო უნივერსიტეტის რექტორმა ტიტე აროშიძემ, ზუსტ მეცნიერებათა და განათლების ფაკულტეტის ასოცირებულმა პროფესორმა იბრაიმ დიდმანიძემ, უკრაინის ტარას შევჩენკოს უნივერსიტეტის პროფესორმა ალექსანდრე ნაკანეჩნიმ და საქართველოს ტექნიკური უნივერსიტეტის პროფესორმა გურამ ჩაჩანიძემ.

ბათუმის შოთა რუსთაველის სახელმწიფო უნივერსიტეტში 2026 წლის 18 სექტემბერს, წარმატებით დასრულდა სეზონური სკოლა „ბავშვის უფლებების სწავლების მეთოდოლოგია, მიდგომები და პრაქტიკა საუნივერსიტეტო საგანმანათლებლო პროგრამებში“. სეზონური სკოლა დაფინანსდა, აჭარის ავტონომიური რესპუბლიკის განათლებისა და სპორტის სამინისტროს, „უმაღლესი განათლების ხელშეწყობის“ პროგრამის ფარგლებში, თანაორგანიზატორია UNICEF საქართველო და ბათუმის შოთა რუსთაველის სახელმწიფო უნივერსიტეტი.