2015 წლის დეკემბერში ა(ა)იპ „განათლების, მეცნიერებისა და ტექნოლოგიების განვითარების თს ფონდი ხვალინდელი წარმატებისთვის“ გამოცხადებულ კონკურში გაიმარჯვა და დაფინანსება მოიპოვა ბიოორგანული ქიმიის სადოქტორო საგანმანათლებლო პროგრამის მესამე წლის დოქტორანტის რუსლან დავითაძის პროექტმა SIG/23/1 /2015"დაბალკალორიული ტკბილი ტაბლეტები". ვულოცავთ რუსლანს და მთელს გუნდს გამარჯვებას და ვუსურვებთ ახალ წარმატებებს.

სამედიცინო კორპორაცია „ევექსის“ წარმომადგენლები ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტებთან ერთად, პროფესორ-მასწავლებლებს შეხვდნენ და ორგანიზაციის სტაჟირების პროგრამა, ვაკანტური ადგილები და არსებული სიახლეები გააცნეს. სამედიცინო კორპორაცია „ევექსი“ აჭარის რეგიონში 7 კლინიკას მართავს, მათ შორის ბათუმში ორი დიდი სამედიცინო ცენტრი ფუნქციონირებს: ბათუმის რეფერალური ჰოსპიტალი და ბათუმის დედათა და ბავშვთა ჯანრმთლობის ცენტრი.

საბუნებისმეტყველო მეცნიერებათა და ჯანდაცვის ფაკულტეტთან არსებული ეკოკლუბის წევრთა ორგანიზებით მთის საერთაშორისო დღისადმი მიძღვნილი ღონისძიება გაიმართა. ეკოლოგიისა და ეკოლოგია minor-ის სპეციალობის სტუდენტებმა ნაშრომები წარმოადგინეს მთის პრობლემებსა და მათი გადაჭრის გზებთან დაკავშირებულ აქტუალურ საკითხებზე. ეკოლოგიის III კურსის სტუდენტებმა ანანო ხახუტაიშვილიმა და ნინო სითათაშვილმა მოხსენება წაიკითხეს თემაზე: „ეკოლოგიური პრობლემები საქართველოს მთიან რეგიონებში“, მარიანა ბერიძემ – „მთების სასიცოცხლო მნიშვნელობა, მათი არსებობის ხელმშემწყობი და ხელის შემშლელი ფაქტორები“, რუსუდან ბეჟანიძემ – „მთის პრობლემები და მათი გადაჭრის გზები“ და ხატია მესხიძემ – ქობულეთის ულამაზესი მთიანეთი და მისი „მომაკვდავი სოფლები“.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტები ბათუმის ბოტანიკურ ბაღში, ზედა პარკის მიმდებარე ტერიტორიაზე გამართულ სუბტროპიკულ მცენარეთა ხილის გამოფენას დაესწრნენ. გამოფენაზე წარმოდგენილი იყო ბათუმის ბოტანიკური ბაღის ეგზოტიკური და ადგილობრივი ფლორის საკვებად გამოსადეგი 30-მდე სახეობისა და ფორმის ციტრუსი და 25 სახეობის ხეხილ-კენკროვანები. ღონისძიების ფარგლებში მოეწყო როგორც ნედლეულის, ასევე მისგან დამზადებული პროდუქციის დეგუსტაცია.

შიდსთან ბრძოლის საერთაშორისო დღე ბათუმის შოთა რუსთაველის სახელმწიფო უნივერსიტეტში რამდენიმე ღონისძიებით აღინიშნა. შოთა რუსთველის დარბაზში გამართულ კონფერენციაზე უმაღლესი საგანმანათლებლო დაწესებულების პროფესორ-მასწავლებლებმა, სტუდენტებმა, დაავადებათა კონტროლის, საზოგადოებრივი ჯანმრთელობის ეროვნული ცენტრისა და აჭარის საზოგადოებრივი ჯანდაცვის ცენტრის წარმომადგენლებმა მოხსენებები წარმოადგინეს დაავადების წინააღმდეგ ბრძოლის გზებსა და სხვა აქტუალურ საკითხებზე. მომხსენებლებმა ყურადღება გაამახვილეს ისეთ თემებზე, როგორიცაა: „აივ/შიდსი - საკითხის პრობლემატურობა“, „აივ-გადაცემის გზები“, „ზიანის შემცირება“ და „C ჰეპატიტით დაავადებულ პირთა დიაგნოსტიკა აჭარში“. სესიის დასრულების შემდეგ გაიმართა ვიქტორინა, ვორქ-შოფი თემაზე: „ნიმუშის აღება სკრინინგული ტესტირებისათვის’’, HIV და C ჰეპატიტის ნებაყოფლობითი სკრინინგი და მობილური ლაბორატორია - HIV და C ჰეპატიტის ნებაყოფლობითი სკრინინგი.