საბერძნეთის რესპუბლიკის საგარეო საქმეთა სამინისტრო საქართველოს მოქალაქეებისთვის აცხადებს სასტიპენდიო პროგრამებზე მიღებას 2019-2020 აკადემიური სასწავლო წლისთვის. დაინტერესებულმა პირებმა სააპლიკაციო განაცხადი მოთხოვნილ დოკუმენტებთან ერთად, უნდა წარადგინონ საქართველოში საბერძნეთის რესპუბლიკის საელჩოში 12 ივლისის ჩათვლით.

ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის უფროსმა გიორგი თავამაიშვილმა, უფროსის მოადგილემ, ბსუ-ს ერაზმუს+ის კოორდინატორმა ნანა ყურშუბაძემ და წამყვანმა სპეციალისტმა ნუნუ ჯაფარიძემ 17-21 ივნისს მონაწილეობა მიიღეს რენე1-ის უნივერსიტეტში (საფრანგეთი) ერასმუს+-ის გაცვლითი პროგრამის ეგიდით გამართულ ადმინისტრაციული პერსონალის საერთაშორისო კვირეულში. ღონისძიების ფარგლებში ბსუ-ს წარმომადგენლები შეხვდნენ უნივერსიტეტის საერთაშორისო ურთიერთობის თანამშრომლებს, უცხოელ კოლეგებს და უნივერსიტეტის საგანმანათლებლო პროგრამები, საუნივერსიტეტო ცხოვრება და სასწავლო-სამეცნიერო პროექტები გააცნეს.

ბათუმის შოთა რუსთაველის სახელმწიფო უნივერსიტეტს სტუმრობდა კრაკოვის პედაგოგიკური უნივერსიტეტის დელეგაცია. შეხვედრას ბსუ-ს ზუსტ მეცნიერებათა და განათლების ფაკულტეტის დეკანი ლელა თურმანიძე, პროფესორ-მასწავლებლები და სტუდენტები ესწრებოდნენ. შეხვედრის მიზანი სამომავლო თანამშრომლობის მიმართულებების დასახვას წარმოადგენდა. დელეგაციას სტრატეგიული განვითარებისა და საგარეო ურთიერთობათა დეპარტამენტის წარმომადგენლებმა რეგიონისა და უნივერსიტეტის შესახებ პრეზენტაცია წარუდგინეს.

Erasmus+ MOBILE UNLIMITE-ის გაცვლითი პროგრამის აკადემიური მობილობის ფარგლებში საბუნებისმეტყველო მეცნიერებათა და ჯანდაცვის ფაკულტეტის სტუდენტებისათვის პორტოს უნივერსიტეტის პროფესორმა ჰელენა ფერეირამ საჯარო ლექციები წაიკითხა ანტიბიოტიკი რეზისტენტობის პრობლემების საკითხზე. მომხსენებელმა განიხილა აღნიშნული პრობლემა პორტუგალიისა და ზოგადად ევროპული ქვეყნების მაგალითზე, ისაუბრა ანტიბიოტიკი რეზისტენტობის საფრთხეებსა და პრევენციაზე.

3-7 ივნისს პოლონეთში, ქალაქ ბიდგოშში, ეკონომიკის უნივერსიტეტში, ერაზმუს+-ის პროგრამის ეგიდით გამართულ „საერთაშორისო სატრენინგო კვირეულის“ მუშაობაში მონაწილეობა მიიღეს ბსუ-ს ჰუმანიტარულ მეცნიერებათა ფაკულტეტის ევროპეისტიკის დეპარტამენტის პროფესორმა მარინე აროშიძემ და ასოცირებულმა პროფესორმა ნინო აროშიძემ. კვირეულის ფარგლებში ქართველმა მონაწილეებმა ტრენინგი გაიარეს, დაესწრნენ ბიდგოშის ეკონომიკის უნივერსიტეტის 30 წლის საიუბილეო ღონისძიებებს და საქართველო წარმოადგინეს ეროვნული სამზარეულოს გამოფენაზე.

5-6 ივნისს ერაზმუს+-ის ადმინისტრაციული პერსონალის გაცვლითი პროგრამის ფარგლებში ბათუმის შოთა რუსთაველის სახელმწიფო უნივერსიტეტში საფრანგეთის, რუანის უნივერსიტეტის საერთაშორისო ურთიერთობებისა და თანამშრომლობის დეპარტამენტის მობილობის მართვის კოორდინატორი სონია ფაფინი იმყოფებოდა. ვიზიტის ფარგლებში დაიგეგმა 2019-2020 სასწავლო წლისთვის ქართველი და ფრანგი სტუდენტების მობილობა და სტაჟირების პროგრამის ხელშეწყობა. შეხვედრა ბსუ-ს ტურიზმის ფაკულტეტის და საგარეო ურთიერთობათა და სტრატეგიული განვითარების დეპარტამენტის ორგანიზებით გაიმართა.

20-24 მაისს, ერაზმუს+-ის ადმინისტრაციული პერსონალის გაცვლითი პროგრამის ფარგლებში პოლონეთში, კროსნოს სახელმწიფო კოლეჯში იმყოფებოდა ბსუ-ს სტრატეგიული განვითარებისა და საგარეო ურთიერთობათა დეპარტამენტის წამყვანი სპეციალისტი ლელა თავართქილაძე. ვიზიტის ფარგლებში შეხვედრები შედგა საგარეო ურთიერთობათა დეპარტამენტის წარმომადგენლებთან, რექტორის მოადგილესთან და დაიგეგმა თანამშრომლობა სამეცნიერო მიმართულებით. ლელა თავართქილაძემ სტუდენტებსა და პროფესორ მასწავლებლებს ასევე წარუდგინა უნივერსიტეტისა და რეგიონის შესახებ პრეზენტაცია.