ცნობილი მეცნიერის, საზოგადო მოღვაწის, ბათუმის შოთა რუსთაველის სახელმწიფო უნივერსიტეტის ემერიტუს პროფესორის, ქრისტიანული კულტურის კვლევის ცენტრის ხელმძღვანელისა და ნიკო ბერძენიშვილის ინსტიტუტის ისტორიისა და არქეოლოგიის განყოფილების ხელმძღვანელის ბიჭიკო დიასამიძის მემორიალური დაფა გაიხსნა. მკვლევარ ბიჭიკო დიასამიძის სამეცნიერო ინტერესის სფერო გახლდათ საქართველოს მართლმადიდებლური ეკლესიის ისტორია, რომელთაც მკვლევარმა 70-ზე მეტი სამეცნიერო ნაშრომი და 10 მონოგრაფია მიუძღვნა.

ბსუ-ს ნიკო ბერძენიშვილის ინსტიტუტს ყაზახეთის მუსტაფა ჩოგაის კვლევითი ცენტრის დირექტორი ბაკირ აბდიჟალელი ეწვია. ვიზიტის ფარგლებში პროფესორი ბაკირი გაეცნო ინსტიტუტის საქმიანობას და ფონდებში დაცულ უნიკალურ მასალებს. შეხვედრისას საუბარი შეეხო სამომავლო თანამშრომლობის პერსპექტივებს და ერთობლივი სამეცნიერო ღონისძიებების ორგანიზებას. დაიგეგმა თანამშრომლობის მემორანდუმის გაფორმებაც.

ბსუ-ს ნიკო ბერძენიშვილის ინსტიტუტის ისტორიისა და არქეოლოგიის განყოფილების მთავარმა მეცნიერ თანამშრომელმა უჩა ოქროპირიძემ სემინარი ჩაატარა თემაზე: პროფესორ დენიზა სუმბაძის ზოგიერთი ორიგინალური ხედვის გააზრებისათვის. მომხსენებელმა განიხილა პროფესორ დენიზა სუმბაძის წერილები და მათში წარმოჩენილი აქტუალური საკითხები. ასევე ყურადღება გაამახვილა იმ პარალელური აზრებზე, რომლებსაც ქ-ონ დენისა სუმბაძის ნაწარმოებებმა მათი გაცნობა-განხილვისას წარმოიშვა.

ბსუ-ს ნიკო ბერძენიშვილის ინსტიტუტის ისტორიისა და არქეოლოგიის განყოფილების მეცნიერ თანამშრომელმა მერაბ მეგრელიშვილმა სემინარი ჩაატარა თემაზე: „სომხები აჭარაში რუსული მმართველობის პერიოდში (XIX ს. დასასრული - XX ს. დასაწყისი)“. მომხსენებელმა სემინარზე ყურადღება გაამახვილა მიმდინარე აქტუალურ საკითხებზე. მკვლევარმა წამოადგინა გამოვლენილი საარქივო დოკუმენტების შედარებითი ანალიზის საფუძველზე და სახელმწიფოთა შორის არსებულ ინტერესთა დაპირისპირების ფონზე, არსებული ურთიერთობების პრობლემები.

ბათუმის საჯარო და კერძო სკოლების მოსწავლეთა მიერ საგანმანათლებლო პროცესის შეფასების (სოციოლოგიური ანალიზი) თემაზე ბსუ-ს ნიკო ბერძენიშვილის ინსტიტუტის ეთნოლოგიისა და სოციოლოგიური კვლევის განყოფილების უფროსი მეცნიერ თანამშრომელმა ნუგზარ ჩხაიძემ სემინარი ჩაატარა. ბათუმის საჯარო და კერძო სკოლების მოსწავლეთა მიერ საგანმანათლებლო პროცესის შეფასება (სოციოლოგიური ანალიზი) მიზნად ისახავს სასკოლო განათლების სხვადასხვა საკითხთან დაკავშირებით სკოლების მოსწავლეთა შეხედულებების გამოვლენას და ანალიზს. ამ მიზნით ქ. ბათუმის სხვადასხვა საჯარო და კერძო სკოლაში ჩატარდა ჯერ წინარე საპილოტე გამოკვლევა, მის საფუძველზე ანკეტების შედგენა და მოსწავლეთა ანკეტური გამოკითხვა, განხორციელდა მონაცემთა ანალიზი.