ტურიზმის ფაკულტეტის სტუდენტებისთვის გაიმართა საინფორმაციო შეხვედრა პროექტის „ახალგაზრდული მეწარმეობა სოფლის განვითარებისთვის“ (RDYE) ფაზა II-ის ფარგლებში, რომელსაც ახორციელებს Mercy Corps-ის საქართველოს წარმომადგენლობა, International Partnerships Austria-ის დაფინანსებით. პროექტის მხარდამჭერები არიან SCapp და SOCAR Georgia Petroleum.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებმა 10-15 მარტს ჰამბურგში (გერმანია) „საერთაშორისო სასტუმროს მენეჯმენტის“ სტაჟირების პროგრამის დასკვნით ნაწილში მიიღეს მონაწილეობა. პროგრამა მიზნად ისახავდა ევროპული გამოცდილების გაზიარებას და ქართულ სასტუმრო ინდუსტრიასთან მიმართებით არსებული მახასიათებლებისა და განსხვავებების შესწავლას.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტზე წარმატებით დასრულდა საჯარო შეხვედრა პროექტის „კარგი მასპინძელი“ გამარჯვებულებთან. ღონისძიება ინტერაქციულ ფორმატში წარიმართა, სადაც სტუდენტებმა პირადად მოისმინეს სოფლის ტურიზმის განვითარების, ხარისხიანი მომსახურებისა და სტუმრის გამოცდილების შექმნის რეალური მაგალითები.

ვიქტორია ნონოიანი - ტურიზმის ფაკულტეტის მეორე კურსის სტუდენტი, რომელიც საუკეთესო მაგალითია იმისა, თუ როგორ შეიძლება აქტიური სტუდენტური ცხოვრება და შემოქმედებითი აზროვნება ჰარმონიულად ერწყმოდეს ერთმანეთს. ვიქტორია გამოირჩევა არა მხოლოდ ვიზუალური კომუნიკაციის შესანიშნავი უნარითა და ორიგინალური იდეებით, არამედ საგანმანათლებლო და კულტურულ ინიციატივებში მუდმივი ჩართულობით.

ბსუ-სა და სასტუმრო „IBIS STYLES BATUMI"-ს შორის თანამშრომლობის მემორანდუმი გაფორმდა. მემორანდუმი ითვალისწინებს საგანმანათლებლო, სამეცნიერო და პრაქტიკული თანამშრომლობის გაღრმავებას.