ბსუ-ში დიპლომირებული მედიკოსის ინგლისურენოვანი ერთსაფეხურიანი საგანმანათლებლო პროგრამის პირველკურსელი სტუდენტებისთვის საინფორმაციო შეხვედრა გაიმართა. საბუნებისმეტყველო მეცნიერებათა და ჯანდაცვის ფაკულტეტის დეკანმა რუსუდან ხუხუნაიშვილმა, ბსუ-ს დიპლომირებული მედიკოსის ინგლისურენოვანი საგანმანათლებლო პროგრამის მართვის ცენტრის დირექტორმა მარინა ქორიძემ და მართვის ცენტრის თანამშრომლებმა სტუდენტებს სწავლის დაწყება მიულოცეს და უნივერსიტეტისგან სამახსოვრო საჩუქრები გადასცეს.

ბათუმის შოთა რუსთაველის სახელმწიფო უნივერსიტეტში დიპლომირებული მედიკოსის ინგლისურენოვანი პროგრამის უცხოელმა სტუდენტებმა AGNI 4.0-ის ფესტივალი ოფიციალურად გახსნეს. AGNI ინდურ კულტურაში ცეცხლის დღესასწაულს განასახიერებს და სიწმინდის სიმბოლოდ მიიჩნევა. ღონისძიების მთავარი მიზანია სტუდენტების გაერთიანება, კულტურათაშორისი ურთიერთობის გაღრმავება და მეგობრული კავშირების ჩამოყალიბება.

23 მარტს წყლის დაცვის საერთაშორისო დღესთან დაკავშირებით ძმები ნობელების სახელობის ბათუმის ტექნოლოგიურ მუზეუმში გაიმართა ღონისძიება, რომელშიც მონაწილეობდნენ ქიმიის საბაკალავრო და სამაგისტრო საგანმანათლებლო პროგრამის სტუდენტები - მირანდა პაქსაძე, ანა ჯინჭარაძე, ირინა გობაძე, მოწვეული მასწავლებელი თამილა გოგიტიძე.

კავკასიის რეგიონული გარემოსდაცვითი ცენტრის მხარდაჭერით, გარემოს დაცვისა და სოფლის მეურნეობის სამინისტროს ნარჩენებისა და ქიმიური ნივთიერებების მართვის დეპარტამენტის უფროსის მოადგილემ, ქალბატონმა ირმა გურგულიანმა, ბათუმის შოთა რუსთაველის სახელმწიფო უნივერსიტეტის ეკოლოგიის მიმართულების სტუდენტებისთვის საჯარო ლექცია ჩაატარა.

ბათუმის შოთა რუსთაველის სახელმწიფო უნივერსიტეტში მესამე მისიის ფარგლებში გაიმართა შეხვედრა საბუნებისმეტყველო მეცნიერებათა და ჯანდაცვის ფაკულტეტის თანამშრომლების ჩართულობით. შეხვედრის ორგანიზებასა და განხორციელებაში მონაწილეობდნენ ფაკულტეტის თანამშრომლები: ლალი ჟღენტი, ირმა დიასამიძე, შორენა გაბაიძე, მაია რესულიძე და ელისო სურმანიძე.