ბსუ-ში ალექსანდრე ჯეჯელავას საჯარო ლექცია გაიმართა თემაზე: „წარმატება და პროფესიული სტრატეგია XXI საუკუნეში"

სურათი

ბათუმის შოთა რუსთაველის სახელმწიფო უნივერსიტეტში  სტუდენტთა კარიერული განვითარების, კულტურისა და სპორტის დეპარტამენტის ორგანიზებით, ტრენერმა და  სპიკერმა  ალექსანდე ჯეჯელავამ საჯარო ლექცია წაიკითხა თემაზე: ,,წარმატება და პროფესიული სტრატეგია XXI საუკუნეში". ცნობილი ტრენერი სტუდენტებს ესაუბრა წარმატებაზე და წარმატების მიღწევის გზებზე, პროფესიის არჩევის თანამედროვე მიდგომებზე, წარმატებისთვის აუცილებელი უნარ-ჩვევების გამომუშავებაზე. ასევე, ყურადღება გაამახვილა სკოლის ასაკშივე მრავალი პროფესიით დაინტერესების აუცილებლობაზე. შეხვედრაზე ალექსანდრე ჯეჯელავამ ახალგაზრდებს ურჩია აკადემიურ განათლებასთან ერთად, იყვნენ სოციალურად აქტიური სხვადასხვა მიმართულებით, რათა სწრაფად ცვალებად გარემოში უპასუხონ 21-ე საუკუნის გამოწვევებს და ახალ ტენდენციებს.

ლექცია კითხვა-პასუხის რეჟიმში გაგრძელდა და სტუდენტებს საშუალება ჰქონდათ, მათთვის საინტერესო შეკითხვებზე მიეღოთ პასუხები.

ალექსანდრე ჯეჯელავა არის ტრენერი, სპიკერი, ქოუჩი და მენეჯმენტის სპეციალისტი 25 წელზე მეტი გამოცდილებით.


უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა