ანონსები

22 თებერვალს, 11:00 საათზე, ბათუმის შოთა რუსთველის სახელმწიფო უნივერსიტეტის ზუსტ მეცნიერებათა და განათლების ფაკულტეტთან არსებული ბავშვთა უფლებების ცოდნის ცენტრი გიწვევთ ფოტო-ნახატების გამოფენაზე „ბავშვები იცავენ თავიანთ უფლებებს“. გამოფენა ტარდება გაეროს ბავშვთა ფონდის UNICEF-ის საგრანტო პროექტის „ბავშვთა უფლებების ცენტრის ცოდნის ცენტრად დაფუძნება ინკლუზიური და ბავშვთა უფლებებზე ორიენტირებული ცოდნის დამოკიდებულებებისა და პრაქტიკის დასანერგად“ კამპანიის „ჩვენ დავიბადეთ თანასწორნი და განსხვავებულნი“ ფარგლებში.

19 თებერვალს, 17:00 საათზე, პლაგიატის პრევენციის საერთაშორისო დღესთან დაკავშირებით, ბათუმის შოთა რუსთაველის სახელმწიფო უნივერსიტეტში ზოგადსაგანმანათლებლო სკოლების საშუალო საფეხურის მოსწავლეებისთვის ვებინარი ჩატარდება თემაზე: „ერთად ვებრძოლოთ პლაგიატს“. ვებინარის ფარგლებში წარმოდგენილი იქნება აკადემიური კეთილსინდისიერების დაცვის ძირითადი სტრატეგიები, ტექსტის შექმნის პრინციპები და პლაგიატის წინააღმდეგ ბრძოლის მექანიზმები.

17 თებერვალს გაიმართება ISTQB CTFL-ის გამოცდისთვის მოსამზადებელი კურსის - First Accredited ISTQB CTFL Exam Preparation Course საინფორმაციო შეხვედრა. კურსი 7 მარტს დაიწყება და მასში მონაწილეობა შეუძლიათ სტუდენტებს. 9-კვირიანი სასწავლო კურსი ჩატარდება ონლაინ ფორმატში, ინგლისურ ენაზე და სწავლებას გაუძღვებიან Ecaxtpro-ს გამოცდილი ექსპერტები. კურსი მოიცავს როგორც თეორიულ, ასევე პრაქტიკულ ნაწილს, რომელსაც თან ახლავს Q&A სესიები.

როგორ ავირჩიოთ სწორად პროფესია?

პროფესიის არჩევა ადამიანის ცხოვრების ერთ-ერთი ყველაზე მნიშვნელოვანი გადაწყვეტილებაა. ახალგაზრდები ხშირ შემთხვევაში, პროფესიის არჩევისას შეცდომას უშვებენ, ითვალისწინებენ მშობლების, ნათესავების, მეგობრების რჩევებს და უპირატესობას ანიჭებენ მათ მიერ არჩეულ ან მოდურ საგანმანათლებლო პროგრამებს.

2022 წლის 5-27 თებერვალს ბსუ-ს ბავშვის უფლებების ცენტრი გაეროს ბავშვთა ფონდის, UNICEF-ის საგრანტო პროექტის „ბავშვთა უფლებების ცენტრის ცოდნის ცენტრად დაფუძნება ინკლუზიური და ბავშვთა უფლებებზე ორიენტირებული ცოდნის დამოკიდებულებებისა და პრაქტიკის დასანერგად“ ფარგლებში ატარებს ტრენინგებს სკოლის მოსწავლეებისათვის, სტუდენტებისათვის, მასწავლებლებისათვის, მშობლებისათვის და დაინტერესებული პირებისათვის. ტრენინგის მსმენელებზე გაიცემა სერთტიფიკატი.