ახალი ამბები

„ღია კარის დღეების“ ფარგლებში შოთა რუსთაველის სახელმწიფო უნივერსიტეტი აჭარის მთავრობის, განათლების, კულტურისა და სპორტის სამინისტროს თანადგომით იწყებს ერთთვიანი პროექტის „უნივერსიტეტი ფართო საზოგადოებისათვის“ ორ ეტაპად განხორციელებას.

აჭარის ავტონომიური რესპუბლიკის მთავრობის მეთაურთან არსებულმა დასაქმების საბჭომ უნივერსიტეტის სტუდენტებს სააქციო საზოგადოება „ინდუსტრია-ინვესტის“ გენერალური დირექტორის (პ. კალოიანი) ინიციატივა - „სტუდენტური ბიზნეს სესხები“ წარუდგინა. პროექტის მიზანია ბიზნესის სხვადასხვა სფეროში (გარდა ვაჭრობისა) სტუდენტთა ხელშეწყობა. დაფინანსდება ყველა ინიციატივა, რომელიც 5 წევრისგან შემდგარი ექსპერთა საბჭოს მიერ დადებით შეფასებას მიიღებს. პროექტის ბიუჯეტი 100 000 ლარით განისაზღვრა. წარდგინებას ა.რ. მთავრობის მეთაური, ლევან ვარშალომიძე და ქალაქის მერი, რობერტ ჩხაიძე ესწრებოდნენ.

პერუჯის უნივერსიტეტსა და შოთა რუსთაველის სახელმწიფო უნივერსიტეტს შორის გაფორმდება ურთიერთშეთანხმების მემორანდუმი. 2009 წლის 11–13 თებერვალს, პერუჯის უნივერსიტეტის პროფესორ–მასწავლებელთა მონაწილეობით, შოთა რუსთაველის სახელმწიფო უნივერსიტეტში ჩატარდება კონფერენცია თემაზე „სარეაბილიტაციო სისტემების მართვა“.

2009 წლის 2-6 იანვარს სოციალურ მეცნიერებათა, ბიზნესისა და სამართალმცოდნეობის ფაკულტეტის ბიზნესის სკოლამ და ტურისტულმა სააგენტო "UNItour"-მა შუახევის რაიონის სოფელ გომარდულში ახალი ტურისტული ბაზის მარკეტინგული კვლევა ჩაატარა. ეკო, აგრო და ეთნო ტურიზმის განვითარების მიზნით ადგილობრივ მოსახლეობას ერთგვარი კონსულტაციებიც გაეწიათ. აღნიშნული კვლევის ფარგლებში დაიგეგმა სარეკლამო ფლაერებისა და საინფორმაციო ბროშურების მომზადება.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის განმეორებით კონკურსს ევროპის სხვადასხვა უნივერისტეტში მობილობის განსახორციელებლად 2024-2025 სასწავლო წლის შემოდგომა/გაზაფხულის სემესტრებისთვის (დეტალური ინფორმაცია იხილეთ დანართში 1).