ახალი ამბები

2015-2016 სასწავლო წელი ბათუმის შოთა რუსთაველის სახელმწიფო უნივერსიტეტის ეზოში საზეიმოდ გაიხსნა. ახალი სასწავლო წლის დაწყება სტუდენტებსა და პროფესორ-მასწავლებლებს მიულოცეს უნივერსიტეტის რექტორის მოვალეობის შემსრულებელმა, ასოცირებულმა პროფესორმა მერაბ ხალვაშმა, აჭარის ა.რ. უმაღლესი საბჭოს თავმჯდომარემ ავთანდილ ბერიძემ, ქ. ბათუმის მერმა გიორგი ერმაკოვმა, აჭარის ა.რ. განათლების, კულტურისა და სპორტის მინისტრის მოადგილემ სულიკო თებიძემ, ბსუ-ს პროფესორმა, აჭარის ა.რ უმაღლესი საბჭოს განათლების, მეცნიერების, კულტურისა და სპორტის კომისიის თავმჯდომარემ გიორგი მასალკინმა, უკრაინის მეცნიერებათა აკადემიის კიევის სამართლის სკოლის რექტორმა იური ბოშიცკიმ, ბათუმის სახელმწიფო საზღვაო აკადემიის რექტორმა ირაკლი შარაბიძემ, ბათუმის ხელოვნების სასწავლო უნივერსიტეტის რექტორმა ერმილე მესხიამ, სტუდენტური თვითმმართველობის თავმჯდომარემ ბექა მაკარაძემ, ასპროცენტიანი გრანტის მფლობელმა პირველკურსელებმა ტარიელ ქაჩაკიძემ და ანა შაინიძემ.

თანამშრომლობის მემორანდუმი გაფორმდა ბათუმის შოთა რუსთაველის სახელმწიფო უნივერსიტეტსა და უკრაინის მეცნიერებათა აკადემიის კიევის სამართლის უნივერსიტეტს შორის. ხელშეკრულება მიზნად ისახავს სტუდენტთა, პროფესორ-მასწავლებელთა და მკვლევართა გაცვლითი პროგრამების განხორციელებასა და ერთობლივი კვლევების წარმოებას. მხარეთა შეთანხმებით, ჩატარდება საერთაშორისო სამეცნიერო კონფერენციები, სიმპოზიუმები და სემინარები. თანამშრომლობა ასევე ითვალისწინებს სამეცნიერო და მეთოდოლოგიური ლიტერატურის გაცვლას.

შოთა რუსთაველის დარბაზში ბათუმის შოთა რუსთაველის სახელმწიფო უნივერსიტეტის 80 წლის იუბილესადმი მიძღვნილი სტუდენტთა საერთაშორისო სამეცნიერო კონფერენცია გაიხსნა. სამეცნიერო სესიაში საქართველოსა და უცხოეთის უმაღლესი საგანმანათლებლო დაწესებულებების ბაკალავრიატის, მაგისტრატურის და დოქტორანტურის საფეხურის 100-მდე სტუდენტი მონაწილეობს.

ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის კომპიუტერულ მეცნიერებათა დეპარტამენტის ორგანიზებით, ხარკოვის რადიოელექტრონიკის ნაციონალურ და ტალინის ტექნოლოგიურ უნივერსიტეტებთან თანამშრომლობის ფარგლებში, ტარდება მე-13 საერთაშორისო სიმპოზიუმი „აღმოსავლეთი და დასავლეთი - კომპიუტერული სისტემების პროექტირება და ტესტირება“ (IEEE EAST-WEST DESIGN & TEST SYMPOSIUM (EWDTS 2015)).

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ორგანიზებით, აჭარის ა.რ განათლების, კულტურისა და სპორტის სამინისტროს დაფინანსებითა და ქალაქ ბათუმის მერიის თანადაფინანსებით საერთაშორისო საზაფხულო სკოლა „ეკოლოგიური ცნობიერება და გარემოსდაცვითი განათლება“ იმართება. საზაფხულო სკოლის ფარგლებში ლექციები და პრაქტიკული მეცადინეობები ჩატარდება ისეთ აქტუალურ თემებზე, როგორიცაა: გენმოდიფიცირებული პროდუქტების წარმოება და მოსალოდნელი რისკები, ევროკავშირის გამოცდილება ნარჩენების მართვაში, სამეცნიერო კვლევები ნარჩენების მართვის მიმართულებით, შავი ზღვის ეკოლოგიური პრობლემები და ჩამდინარე წყლების მართვა