ახალი ამბები

ბსუ-ს 3-7 ივლისს, „ერაზმუს+“-ის ადმინისტრაციული პერსონალის გაცვლითი პროგრამის ფარგლებში ბიალისტოკის უნივერსიტეტის რექტორის მოადგილე, პროფესორი იაროსლავ მატვიეიუკი, რექტორის აპარატის უფროსი, პროფესორი აგნიეშკა ბუიაკოვსკა და ბუნების ცენტრის დირექტორი, დოქტორი ანა მატვიეიუკი ეწვივნენ. ვიზიტის ფარგლებში, დელეგაციის წევრები შეხვდნენ რექტორის მოადგილეს, პროფესორ თამარ სირაძესა და ბსუ-ს სტრატეგიული განვითარებისა და საგარეო ურთიერთობათა დეპარტამენტის წარმომადგენლებს, ეკონომიკისა და ბიზნესის ფაკულტეტის დეკანს, პროფესორ ნათელა წიკლაშვილს, საბუნებისმეტყველო მეცნიერებათა და ჯანდაცვის ფაკულტეტის დეკანს, პროფესორ რუსუდან ხუხუნაიშვილს და იურიდიული და სოციალურ მეცნიერებათა ფაკულტეტის დეკანს, პროფესორ ლევან ჯაყელსა და ფაკულტეტის პროფესორ- მასწავლებლებს. შეხვედრაზე მხარეებმა ერთობლივი საგანმანათლებლო პროექტების, საერთაშორისო პროგრამების განხორციელებასა და სამომავლო თანამშრომლობის გეგმებზე ისაუბრეს.

ბათუმის შოთა რუსთაველის სახელმწიფო უნივერსიტეტში II საერთაშორისო სამეცნიერო კონფერენცია „ბიოპოლიმერები, ქიმიური და ტექნოლოგიური ასპექტები“ ტარდება. კონფერენციის მიზანია კვლევის შედეგების წარმოდგენა ბიოპოლიმერების სინთეზისა და გამოყენების მნიშვნელოვან საკვანძო საკითხებზე, ადგილობრივი და საერთაშორისო კვლევების გაცვლა და თანამშრომლობა. სესია ხელს შეუწყობს ადგილობრივი კვლევების საერთაშორისო ინტეგრაციას, ახალგაზრდა მეცნიერთა სამეცნიერო პოტენციალის გამოყენებას საერთაშორისო კვლევებში და ქართველი და უცხოელი მეცნიერების ინოვაციური სამეცნიერო კვლევების ეფექტურად განხორციელებას.

ბათუმის შოთა რუსთაველის სახელმწიფო უნივერსიტეტში ინფრასტრუქტურული პროექტები განხორციელდა. ავეჯითა და ტექნიკით განახლდა სასწავლო აუდიტორიები, სამკითხველო დარბაზები. ასევე დამატებით გაიხსნა სტუდენტთა თავისუფალი სივრცეები, ფაკულტეტებზე პროფესორ-მასწავლებლებისთვის მოეწყო სამუშაო ოფისები, სამზარეულო სივრცეები და კეთილმოეწყო უნივერსიტეტის ეზო.

ბათუმის შოთა რუსთაველის სახელმწიფო უნივერსიტეტის 70 სტუდენტი სწავლასა და სტაჟირებას ევროპის ქვეყნებში გაივლის. ტურიზმის ფაკულტეტის სტუდენტები სასწავლო პრაქტიკას გერმანიაში, ხოლო ბაკალავრის 12 სტუდენტი სწავლას ევროპის სხვადასხვა ქვეყანაში განაგრძობს. სტუდენტებს პროექტში გამარჯვება მიულოცეს და წარმატებები უსურვეს ბსუ-ს რექტორმა მერაბ ხალვაშმა, აჭარის ა.რ. მთავრობის თავმჯდომარემ თორნიკე რიჟვაძემ და აჭარის ა.რ. განათლების კულტურისა და სპორტის მინისტრმა მაია ხაჯიშვილმა.

ირანის ისლამური რესპუბლიკის გენერალური კონსული ბათუმში ჰოსეინ ზაფარ ყასემფური ბათუმის შოთა რუსთაველის სახელმწიფო უნივერსიტეტის რექტორს, მერაბ ხალვაშს შეხვდა. მხარეებმა ირანის საგანმანათლებლო დაწესებულებებთან მემორანდუმის გაფორმებაზე, თანამშრომლობის გაღრმავებასა და სამომავლო გეგმებზე ისაუბრეს. დაიგეგმა სტუდენტთა და პროფესორ-მასწავლებელთა გაცვლითი პროგრამებისა და ერთობლივი სასწავლო-სამეცნიერო პროექტების განხორციელება.