ახალი ამბები

საქართველოში ნატოს სამეკავშირეო ოფისის წარმომადგენელი, პოლიტიკური ოფიცერი ჯირი პრეცლიკი ბათუმის შოთა რუსთაველის სახელობის სახელმწიფო უნივერსიტეტის სტუდენტებს შეხვდა. საინფორმაციო ფორმატის შეხვედრაზე, პოლიტიკური ოფიცერი სტუდენტებს ჩრდილოატლანტიკური ალიანსის მიზნებსა და პრინციპებზე, ნატო-საქართველოს თანამშრომლობის და საქართველოს ნატოში გაწევრიანების პროცესზე და პერსპექტივებზე ესაუბრა. ჯირი პრეცლიკი რექტორის მოვალეობის შემსრულებელს, მერაბ ხალვაშსაც შეხვდა. შეხვედრა „ნატოსა და ევროკავშირის შესახებ საინფორმაციო ცენტრის“ აჭარის ბიუროს ორგანიზებით შედგა.

სლოვაკეთის საგანგებო და სრულუფლებიანი ელჩი საქართველოში, ბ-ნი რუდოლფ მიხალკა ბათუმის შოთა რუსთაველი სახელმწიფო უნივერსიტეტს ეწვია. უნივერსიტეტის რექტორის მოვალეობის შემსრულებელმა, მერაბ ხალვაშმა ელჩს უნივერსიტეტის ისტორია, მიღწევები და სამომავლო გეგმები გააცნო.

ბათუმის შოთა რუსთაველის სახელმწიფო უნივერსიტეტმა, სტუდენტური თვითმმართველობის ინიციატივით, ურთიერთანამშრომლობის მემორანდუმი გააფორმა არასამთავრობო ორგანიზაციასთან ‘’მრავალეროვანი საქართველო დემოკრატიული ღირებულებების განმტკიცებისათვის’’. მემორანდუმის ფარგლებში, დაიგეგმა საერთო კულტურულ-შემეცნებითი პროექტების განხორციელება და დემოკრატიულ პროცესებში ახალგაზრდობის ჩართულობის გაზრდა. ერთ-ერთი ასეთი პროექტი გაეროს ახალგაზრდული ანსაბლეაა, რომელსაც წელს ბათუმის შოთა რუსთაველის სახელმწიფო უნივერსიტეტი უმასპინძლებს. დღესვე ამავე პროექტის ფარგლებში გამარჯვებულებიც გამოავლინეს.

ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელი მერაბ ხალვაში ფოლკორულ ანსამბლს “თირინს“ შეხვდა და საერთაშორისო ფესტივალში გრანპრის მოპოვება მიულოცა. საერთაშორისო საშობაო ფესტივალი „ჩვენ ერთად“ ბელორუსიის რესპუბლიკის ქალაქ ბრესტში გაიმართა და მასში სხვადასხვა ქვეყნის უმაღლესი საგანმანათლებლო დაწესებულების შემოქმედებითი ჯგუფები ღებულობდნენ მონაწილეობას. უნივერსიტეტის ფოლკლორული ანსამბლი ფესტივალში პირველად ღებულობდა მონაწილეობას. რექტორის მოვალეობის შემსრულებელმა მათ სიგელები გადასცა და სამომავლო მხარდაჭერა გამოუცხადა.

22 იანვარს, ბათუმის შოთა რუსთაველის სახელმწიფო უნივერსიტეტში განათლების საერთაშორისო ცენტრმა ფრანგულ ინსტიტუტთან ერთად, ახალი სასტიპენდიო პროგრამების პრეზენტაცია გამართა.
შეხვედრის ფარგლებში, საფრანგეთში სწავლის გაგრძელების მსურველმა სტუდენტებმა დაწვრილებითი ინფორმაცია მიიღეს საგრანტო კონკურსის პირობებსა და პროცედურებზე.
განათლების საერთაშორისო ცენტრის ახალი სასტიპენდიო პროგრამა „სამაგისტრო პროგრამები საფრანგეთში 2016-2017“ - ის კონკურსის ფარგლებში გამარჯვებულ საქართველოს ოცამდე მოქალაქის სწავლას საფრანგეთში, საქართველოსა და საფრანგეთის მთავრობები ერთობლივად დააფინანსებენ. პროგრამის მიზნობრივ ჯგუფს ბაკალავრიატის დამამთავრებელი კურსისა და მაგისტრატურის სტუდენტები წარმოადგენენ.