ბსუ-ში ამერიკის შეერთებული შტატების საელჩოს საგანმანათლებლო/პროფესიული პროგრამების კოორდინატორმა საქართველოში თეა კუჭუხიძემ აშშ-ს მთავრობის მიერ დაფინანსებული UGRAD-ის პროგრამის პრეზენტაცია გამართა.
პროგრამის წარდგინებაზე სტუდენტებმა დეტალური ინფორმაცია მიიღეს გაცვლით პროგრამაში მონაწილეობს პირობებზე, პროცედურებზე, დაფინანსებასა და კანდიდატთა შერჩევის კრიტერიუმებზე.

2016 წლის 3-7 ოქტომბერს, ბსუ-ს საგარეო ურთიერთობათა სამსახურის სპეციალისტები ნუნუ ჯაფარიძე და ლელა თავართქილაძე Erasmus + Credit mobility -ის E+ ICM (KA107) პროგრამის ფარგლებში საერთაშორისო კვირეულზე ადმინისტრაციული პერსონალისთვის, სილეზიის ტექნოლოგიურ უნივერსიტეტში იმყოფებოდნენ.

2017-2018 წლისთვის შვეიცარიის მთავრობა აცხადებს კვლევითი, სადოქტორო და პოსტ-დოქტორანტურის სტიპენდიების გაცემას.

კორეის განვითარების ინსტიტუტი მაგისტრატურისა და დოქტორანტურის სტუდენტებს სთავაზობს სტიპენდიებს 2017 სასწავლოს წლის გაზაფხულის სემესტრისთვის

2017-2018 წლისთვის ჩეხეთის რესპუბლიკის მთავრობა აცხადებს საბაკალვრო, სამაგისტრო და სადოქტორო სტიპენდიების გაცემას. დაწვრილებითი ინფორმაცია შეგიძლიათ იხილოთ ქვემოთ მითითებულ ბმულსა და თანდართულ ფაილებში.

პროგრამა ითვალისწინებს 4-წლიანი საბაკალავრო საფეხურის სწავლების დაფინანსებას, რომლის ფარგლებშიც სხვა უცხოელ სტუდენტებთან ერთად, სრულად დაიფარება საქართველოდან შერჩეული 3 სტუდენტის სწავლის გადასახადი. პროგრამაში მონაწილეობისთვის შერჩეულ სტუდენტებს რეკომენდაცია უნდა გაუწიოს კორეის რესპუბლიკაში საქართველოს საელჩომ. განაცხადები მიიღება 2017 წლის გაზაფხულის სემესტრისთვის. განაცხადების წარდგენის ვადები განსაზღვრულია როგორც ადრეული (early decision), ისე რეგულარული ჩარიცხვისთვის (regular decision). ადრეული ჩარიცხვისთვის განაცხადი წარდგენილ უნდა იქნეს 2016 წლის 16 აგვისტოდან 2 სექტემბრამდე, შერჩეული სტუდენტები გამოვლინდებიან 2016 წლის 22 ოქტომბერს.

ევროპული საგანმანათლებლო პროგრამების დეპარტამენტი არისტოტელეს თესალონიკის უნივერსიტეტის თანამედროვე ბერძნული ენის სკოლასთან თანამშრომლობით Erasmus+ საერთაშორისო სტუდენტებს სთავაზობს შესაძლებლობას შეისწავლონ თანამედროვე ბერძნული ენა.

9-16 აპრილს , ბსუ-ს ფიზიკა მათემატიკისა და კომპიუტერულ მეცნიერებათა ფაკულტეტის ასოცირებული პროფესორი ნინო სვანიძე Erasmus + Credit mobility -ის გაცვლითი პროგრამის ფარგლებში სილეზიის ტექნოლოგიურ უნივერსიტეტში იმყოფებოდა. ვიზიტი ერთი კვირის განმავლობაში სხვადასხვა ქვეყნის უნივერსიტეტების აკადემიურ პერსონალთან შეხვედრებს, საჯარო ლექციებსა და ვორქშოფებში მონაწილეობას ითვალისწინებდა.

პროგრამის ფარგლებში ნინო სვანიძემ გამოყენებითი მათემატიკის ფაკულტეტის სტუდენტებისათვის ლექცია წაიკითხა სადაზღვევო მათემატიკაში გამოყენებული ძირითადი ფინანსური მეთოდების და სადაზღვევო მოდელების შესახებ. აგრეთვე, გაეცნო სხვადასხვა ფაკულტეტის სასწავლო და სამეცნიერო კვლევით სფეროებს, უნივერსიტეტის ინოვაციურ ლაბორატორიებსა და სამომავლო თანამშრომლობის პერსპექტივები დაიგეგმა.