საბუნებისმეტყველო მეცნიერებათა და ჯანდაცვის ფაკულტეტის მედიცინის სპეციალობის პირველკურსელები  დაბა შუახევის საჯარო სკოლისა და სხალთის საჯარო სკოლის მოსწავლეებს შეხვდნენ. სტუდენტებმა მოსწავლეებს  აჭარის რეგიონში ფართოდ გავრცელებული პარაზიტული დაავადებების: ენტერობიოზის, ასკარიდოზის, ტრიქოცეფალოზისა, ლამბლიოზის პათოგენეზზე მიაწოდეს ინფორმაცია და მოსალოდნელ გართულებებსა და პროფილაქტიკურ ღონისძიებებზე ესაუბრეს. 

პარაზიტულ დაავადებათა მკურნალობის გზებსა და ჰიგიენური წესების  დაცვის მნიშვნელობის შესახებ მოსწავლეებს აჭარის ა?რ საზოგადოებრივი ჯანდაცვის ცენტრის ექიმი-პარაზიტოლოგი ია დავითაძე ესაუბრა. საბუნებისმეტყველო მეცნიერებათა და ჯანდაცვის ფაკულტეტის დეკანმა, პროფესორმა მარინა ქორიძემ კი ახალგაზრდებს   უნივერსიტეტის,  ფაკულტეტის მიღწევებისა  და ფაკულტეტზე მოქმედი საგანმანათლებლო პროგრამების შესახებ  მიაწოდა ინფორმაცია. შეხვედრა კითხვა-პასუხის რეჟიმში გაიმართა.

საინფორმაციო შეხვედრა საბუნებისმეტყველო მეცნიერებათა და ჯანდაცვის ფაკულტეტის დეკანის, პროფესორ მარინა ქორიძისა და ბიოლოგიის დეპარტამენტის ასოცირებული პროფესორის ნინო ლომთათიძის ხელმძღვანელობით გაიმართა.