28-31 მარტს თბილისში ჩატარდა მოსწავლეთ საერთაშორისო გუნდური შეჯიბრება ქიმიაში. International Chemistry Competition „Golden Fleece 2024" ტურნირში „ოქროს საწმისი“ ერთმანეთს ეჯიბრებოდნენ საქართველოსა და სხვა ქვეყნების მოსწავლეები. ბათუმიდან შეჯიბრებაში მონაწილეობა მიიღო ბათუმის წმინდა ანდრია პირველწოდებულის სახელობის სკოლის გუნდმა ბათუმის შოთა რუსთაველის სახელმწიფო უნივერსიტეტის ბუნებრივ ნაერთთა სადოქტორო პროგრამის დოქტორანტის, ნონა აბაშიძის მენტორობით. გუნდმა მეორე საპრიზო ადგილი და ვერცხლის მედალი მოიპოვა. ბსუ ულოცავს მოსწავლეებს გამარჯვებას და უსურვებს წარმატებებს.