კონფერენციები

შოთა რუსთაველის საქართველოს ეროვნული სამეცნიერო ფონდის საგრანტო პროექტის - „აჭარის არქეოლოგიური ძეგლები გეოგრაფიულ საინფორმაციო სისტემაში“ (BS-24-180) - ფარგლებში ბათუმის შოთა რუსთაველის სახელმწიფო უნივერსიტეტში, პროექტის წამყვან ორგანიზაციაში 2026 წლის 20 ივნისს ჩატარდება საერთაშორისო სამეცნიერო კონფერენცია „არქეოლოგიური ძეგლები ტექნოლოგიური გამოწვევების კონტექსტში“.
კონფერენცია ჩატარდება ჰიბრიდულ ფორმატში. კონფერენციის სამუშაო ენებია ქართული და ინგლისური.

29-30 მაისს, ჟან მონეს კათედრა „უფრო ახლოს ევროკავშირთან“ და ბათუმის შოთა რუსთაველის სახელმწიფო უნივერსიტეტი მართავენ საერთაშორისო სამეცნიერო კონფერენციას თემაზე: „ევროკავშირის ინტეგრაციის პერსპექტივები“.

2026 წლის 23 მაისს, ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ორგანიზებით, სკოლისა და უნივერსიტეტის თანამშრომლობის კლუბის „სკოლა-უნივერსიტეტი“ ფარგლებში, გაიმართება XII სამეცნიერო-პრაქტიკული კონფერენცია თემაზე: „სასკოლო განათლება - თანამედროვე გამოწვევები და პერსპექტივები“.

2026 წლის 15-16 მაისს, ყოვლადწმიდა ღვთისმშობლის წილხვდომილობისა და წმიდა ანდრია პირველწოდებულის საქართველოში შემოსვლის ეროვნულ დღესასწაულთან დაკავშირებით, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის, საქართველოს საპატრიარქოს წმიდა ტბელ აბუსერისძის სახელობის სასწავლო უნივერსიტეტის, ქალაქ ბათუმის მერიის კულტურის ცენტრისა და კონსტანცას ოვიდიუსის უნივერსიტეტის ორგანიზებით გაიმართება საერთაშორისო სამეცნიერო კონფერენცია - „ჩვენი სულიერების ბალავარი“ - XV.