ახალი ამბები

დღეს, რექტორის მოვალეობის შემსრულებელი მერაბ ხალვაში და ჰუმანიტარულ მეცნიერებათა ფაკულტეტის დეკანი მარინა გიორგაძე უცხოელ სტუდენტებს შეხვდნენ. გაცნობითი ხასიათის შეხვედრას ყაზახეთის იურიდიული უნივერსიტეტის, ნახიჭევანის სახელმწიფო უნივერსიტეტის და თურქეთის რესპუბლიკის 25-მდე სტუდენტი ესწრებოდა. რექტორის მოვალეობის შემსრულებელი უცხოელი სტუდენტების სწავლისა და ცხოვრების პირობებს გაეცნო. ასევე, დაიგეგმა სხვადასხვა გაცნობითი და კულტურული ღონისძიებების მოწყობა. შეხვედრის დასასრულს სტუდენტებს სამახსოვრო საჩუქრები გადაეცათ.

ბათუმის შოთა რუსთაველის სახელმწიფო უნივერსიტეტში ფრანკოფონიის კვირეული საზეიმოდ დაიხურა. კვირეულის ფარგლებში უნივერსიტეტს ფრანგული ინსტიტუტის დირექტორი, საფრანგეთის საელჩოს მრჩეველი კულტურის საკითხებში ჟან ივ-ლავუარი ეწვია. ვიზიტის ფარგლებში უნივერსიტეტსა და ფრანგულ ინსტიტუტს შორის ხელი მოეწერა ურთიერთთანამშრომლობის მემორანდუმს, რომელიც ურთიერთობის გაღრმავებას, ფრანგული ენის და კულტურის პოპულარიზაციას, ერთობლივი პროექტების განხორციელებას და სტუდენტებისა და პროფესორ-მასწავლებელთა მობილობას ითვალისწინებს.

აჭარის ა/რ მთავრობის თავმჯდომარემ არჩილ ხაბაძემ და რექტორის მოვალეობის შემსრულებელმა მერაბ ხალვაშვა უნივერსიტეტში განახლებული სასწავლო და სამეცნიერო ობიექტები მოინახულეს. მთავრობის თავმჯდომარემ რუსთაველის ქუჩაზე მდებარე ახალი კორპუსის სრულიად რეაბილიტირებული მე-4 და მე-5 სართული დაათვალიერა. ასევე, მოინახულეს სტუდენტებისათვის მოწყობილი თავისუფალი სამუშაო სივრცეები, საინფორმაციო ტექნოლოგიების კაბინეტი, განახლებული ზოოლოგიისა და მინეროლოგიის კაბინეტები, იურიდიული კლინიკა, განახლებული სასამართლო საიმიტაციო დარბაზი, თანამედროვე კრიმინალისტიკური ლაბორატორია, ფოტო-ვიდეო სტუდია და ა.შ. გაესაუბრა სტუდენტებსა და პროფესორ-მასწავლებლებს.

ბათუმის შოთა რუსთაველის სახელმწიფო უნივერსიტეტის სტუდენტებმა, პროფესორ-მასწავლებლებმა და ადმინისტრაციის წარმომადგენლებმა ბათუმის გათავისუფლებისათვის ბრძოლაში დაღუპული გმირები გაიხსენეს. უმაღლესი საგანმანათლებლო დაწესებულების ეზოდან ტრადიციული მსვლელობა მოაწყვეს, მემორიალური ქვა ყვავილებით შეამკეს და სანთლები დაანთეს. ღონისძიება სტუდენტთა მხარდაჭერისა და მომსახურების სამსახურისა და ორგანიზებით გაიმართა. 1921 წლის 23 მარტს იუნკერები საქართველოს ერთიანობისთვის წარმოებულ უთანასწორო ბრძოლაში ჩაებნენ. საბრძოლო მოქმედებების დროს 50 ქართველი მეომარი დაიღუპა.

ბათუმის შოთა რუსთაველის სახელმწიფო უნივერსიტეტში საჯარო შეხვედრა გაიმართა სტუდენტთა საინიციატივო ჯგუფს, სტუდენტურ თვითმმართველობას, უნივერსიტეტის ადმინისტრაციასა და წარმომადგენლობით ორგანოებს შორის. შეხვედრის მიზანი იმ ძირითადი საკითხების საჯარო განხილვა იყო, რომელზედაც, ბოლო დროს, აქტიურად მიმდინარეობს მსჯელობა საგანმანათლებლო დაწესებულებებში: უნივერსიტეტის ავტონომიურობის გაფართოება და სტუდენტური თვითმმართველობის მოდელირება.