ბათუმის შოთა რუსთაველის სახელმწიფო უნივერსიტეტში საახალწლო კონცერტი გაიმართა. უმაღლესი საგანმანათლებლო დაწესებულების რექტორმა მერაბ ხალვაშმა სტუდენტებს დამდეგი ახალი წელი მიულოცა და წარმატებები უსურვა. მაყურებლის წინაშე პირველად წარსდგა უნივერსიტეტის ვოკალურ-ინსტრუმენტული ბენდი „ბსუ’’.
აჭარის ა.რ სოფლის მეურნეობის მინისტრმა ლაშა კომახიძემ ბათუმის შოთა რუსთაველის სახელმწიფო უნივერსიტეტში აჭარის სოფლის მეურნეობის განვითარების 2017-2020 წლების სტრატეგია წარადგინა. უწყების პირველმა პირმა უმაღლესი საგანმანათლებლო დაწესებულების რექტორს მერაბ ხალვაშს, რექტორის მოადგილეს ნათია წიკლაშვილს, აგრარული მიმართულების მეცნიერებსა და აკადემიურ პერსონალს დარგის განვითარების პერსპექტივები და სამომავლო გეგმები გააცნო. აჭარის სოფლის მეურნეობის განვითარების ოთხწლიანი სტრატეგია ითვალისწინებს სოფლის მოსახლეობის შემოსავლების ზრდას, ადგილობრივი წარმოების კონკურენტუნარიანობის ამაღლებას, რეგიონის ახალი სასოფლო სამეურნეო ფუნქციებით დატვირთვას, სასურსათო უსაფრთხოების უზრუნველყოფასა და სურსათის უვნებლობას ხელშეწყობას.
დღეს, ბათუმის შოთა რუსთაველის სახელმწიფო უნივერსიტეტის სააქტო დარბაზში, „ სტარტაპ საქართველოს’’ (დამწყები საწარმოების ხელშეწყობის პროგრამა) დირექტორმა, ვაჟა მენაბდემ საინფორმაციო შეხვედრა გამართა სტუდენტებთან. შეხვედრის მიზანი რეგიონებში პროგრამის ცნობადობის ამაღლება და პოპულარიზაცია გახლდათ. აგრეთვე, სტუდენტების ინფორმირება და პროგრამაში ჩართვა.
ფსიქოლოგმა ლევან ზარდალიშვილმა ბათუმის შოთა რუსთაველის სახელმწიფო უნივერსირტეტის სტუდენტებისათვის ტრენინგი ჩაატარა თემაზე: „ლიდერობა და გაუმჯობესებული კომუნიკაცია“. ტრენერმა ახალგაზრდებს კომუნიკაციის აქტუალური საკითხები და ლიდერობისათვის დამახასიათებელი თვისებები გააცნო. ასევე ისაუბრა კომუნიკაციის არსსა და მის ძირითად ცნებებზე, კომუნიკაციის ძირითადი შეცდომებზე, დასწავლის ეტაპებსა და მანიპულატორის ტიპებზე.
არასამთავრობო ორგანიზაციის „შეზღუდული შესაძლებლობების მქონე პირთა უფლებებისათვის“ წარმომადგენლებმა ბათუმის მერიის ახალგაზრდულ ცენტრში შეხვედრა გამართეს. სამეთვალყურეო საბჭოს თავმჯდომარემ თამაზ მჟავანაძემ ღონისძიებაზე ბოლო ერთი წლის მუშაობის შედეგები შეაჯამა, სამომავლო გეგმებზე ისაუბრა და პარტნიორებს, მხარდამჭერებს შეზღუდული შესაძლებლობების მქონე პირთა უფლებების დაცვაში შეტანილი წვლილისათვის მადლობა გადაუხადა. არასამთავრობო ორგანიზაციამ ბათუმის შოთა რუსთაველის სახელმწიფო უნივერსიტეტს, ყველა დროის საიმედო პარტნიორსა და მხარდამჭერს, სიგელი გადასცა.
