ახალი ამბები

საქართველოს განათლებისა და მეცნიერების სამინისტროს და ბათუმის შოთა რუსთაველის სახელმწიფო უნივერსიტეტის ორგანიზებით „ბათუმის სამეცნიერო პიკნიკი“ გაიმართა. სამეცნიერო პიკნიკი საქართველოს განათლებისა და მეცნიერების მინისტრის მოადგილემ ლია გიგაურმა, უნივერსიტეტის რექტორმა მერაბ ხალვაშმა, აჭარის განათლების, კულტურისა და სპორტის მინისტრმა ინგა შამილიშვილმა და ბათუმის მერმა გიორგი ერმაკოვმა გახსნეს. ღონისძიება „მეცნიერებისა და ინოვაციების საერთაშორისო ფესტივალი 2017"-ის ფარგლებში ჩატარდა, სადაც წარმოდგენილი იყო ქვეყნის სამეცნიერო და ინოვაციური პოტენციალი - ქართველ და უცხოელ მკვლევართა მიღწევები.

საერთაშორისო სამეცნიერო კონფერენცია „მომავლის ტექნოლოგიები და სიცოცხლის ხარისხი“ გაიხსნა სასტუმრო „რადისონ ბლუ“-ს საკონფერენციო დარბაზში. ორი დღის განმავლობაში ათი 10 ქვეყნის 270 მონაწილე ბოლო პერიოდში წარმოებული კვლევების შედეგებს განიხილავს და არსებულ პრობლემებზე იმსჯელებს. საერთაშორისო ფორუმის მიზანია სიცოცხლის შემსწავლელ მეცნიერთა კვლევების გაცნობა და განხილვა მომავლის ტექნოლოგიების ჭრილში, რომელთა გამოყენებითაც შესაძლებელია დაავადებების დროული დიაგნოსტიკა, პროფილაქტიკა, ეფექტური, ხარისხიანი და უსაფრთხო მკურნალობა. მკურნალობა ეფუძნება გენეტიკურ კვლევებს იმ თანამედროვე ხედვებს, მიღწევებს, ტრადიციულ, უჯრედულ, ბიო, იმუნო და ნანოტექნოლოგიებში, რომლის საფუძველზეც მოხდა დაავადების დიაგნოსტიკა, ბიოლოგიურად აქტიური მოლეკულის გამოვლენა, და სამიზნე ორგანოში, ქსოვილსა თუ უჯრედში მიზანმიმართული მიწოდების წამალთფორმების და სისტემების დიზაინისა და ტექნოლოგიის შემუშავება.

ბათუმის შოთა რუსთაველის სახელმწიფო უნივერსიტეტში, 25-29 სექტემბერს Erasmus+CGHE-ის პროექტის „უმაღლესი განათლების ინტერდისციპლინური რეფორმა ტურიზმის მენეჯმენტის და გამოყენებითი გეოინფორმაციის სასწავლო პროგრამაში“ ფარგლებში, სამუშაო შეხვედრა გაიმართა სწავლების ხარისხის გაუმჯობესების საკითხზე. ვალენსიის პოლიტექნიკური უნივერსიტეტის, ბოლონიის უნივერსიტეტისა და ილიას სახელმწიფო უნივერსიტეტის წარმომადგენლებმა პროექტის მონაწილეებს სწავლების ხარისხის სრულყოფის გამოცდილება გაუზიარეს.
პროექტი მიზნად ისახავს: კავკასიაში, უმაღლესი განათლების ინტერდისციპლინური რეფორმას ტურიზმის მენეჯმენტის და გამოყენებითი გეოინფორმაციის სასწავლო პროგრამაში, რომლის ფარგლებში შემუშავდება ახალი სასწავლო კურსები, მოდულები და ფაკულტეტი აღიჭურვება პროექტის განხორციელებისათვის აუცილებელი მატერიალურ-ტექნიკური ბაზით.

აკადემიკოსებს მარიამ ლორთქიფანიძეს და ოთარ ჯაფარიძეს ბათუმის შოთა რუსთაველის სახელმწიფო უნივერსიტეტის საპატიო დოქტორის წოდება მიენიჭათ და უნივერსიტეტის საპატიო ჯილდო – შოთა რუსთაველის სახელობის მედალი გადაეცათ. აკადემიკოს მარიამ ლორთქიფანიძეს მნიშვნელოვანი წვლილი მიუძღვის საისტორიო მეცნიერების განვითარებასა და ახალგაზრდა თაობების აღზრდაში, ხოლო აკადემიკოს ოთარ ჯაფარიძეს ისტორიული მეცნიერების განვითარების, საქართველოს ძველი ისტორიისა და არქეოლოგიის უმნიშვნელოვანესი პრობლემების შესწავლის საქმეში.

ბათუმის შოთა რუსთაველის სახელმწიფო უნივერსიტეტში ახალი, 2017-2018 სასწავლო წელი საზეიმოდ გაიხსნა. სტუდენტებსა და პროფესორ მასწავლებლებს მნიშვნელოვანი დღე უნივერსიტეტის რექტორმა მერაბ ხალვაშმა, აჭარის მთავრობის თავმჯდომარემ ზურაბ პატარაძემ და აჭარის ა.რ. განათლების, კულტურისა და სპორტის მინისტრმა ინგა შამილიშვილმა მიულოცეს. კომპანია „ჯეოსელმა“ და უნივერსიტეტმა 100%-იანი გრანტის მფლობელ და სხვა მაღალქულიან პირველკურსელ სტუდენტებს სამახსოვრო საჩუქრებს გადასცა. ბსუ-ს ეზოში ინოვაციურ ლაბორატორიაში სტუდენტების მიერ დამზადებული ნივთებისა და საუნივერსიტეტო ცხოვრების ამსახველი ფოტოების გამოფენა გაიხსნა. უნივერსიტეტისა და გამომცემლობის „წიგნები ბათუმში’’ ორგანიზებით, პირველი კორპუსის ფოიეში შეხვედრა გაიმართა მწერლებთან: გიორგი კეკელიძესთან და თამთა მელაშვილთან. პარალელურად მოეწყო გამომცემლობის „წიგნები ბათუმში’’ წიგნების გამოფენა-გაყიდვა.