„minor”, დამატებითი საგანმანათლებლო პროგრამების პრეზენტაცია გაიმართა ბათუმის შოთა რუსთაველის სახელმწიფო უნივერსიტეტში. ბსუ-ს სასწავლო პროცესის დეპარტამენტის უფროსმა ირმა ქერქაძემ სტუდენტებს 26 დამატებითი საგანმანათლებლო პროგრამა წარუდგინა, რომელთაგან „ბიზნესის ადმინისტრირება“ და „აგრარული ტექნოლოგიები“ წელს პირველად განხორციელდება. მაინორ პროგრამების მიზანია, დაეხმაროს სტუდენტებს კომპეტენციების განვითარებასა და დასაქმებაში.
ბათუმის შოთა რუსთაველის სახელმწიფო უნივერსიტეტის ეზოში საქველმოქმედო აქცია მოეწყო. იურიდიული და სოციალურ მეცნიერებათა ფაკულტეტის ფსიქოლოგიის სპეციალობის სტუდენტებმა ბსუ-ს კაფეტერიაში ორცხობილები გამოაცხვეს და მსურველებს გაუმასპინძლდნენ. საქველმოქმედო აქციიდან შემოსული თანხა სოფლად მცხოვრებ სოციალურად დაუცველ ოჯახს მოხმარდება. ღონისძიება მუსიკალურად „ბსუ ბენდმა“ გააფორმა.
მასწავლებელთა პროფესიული განვითარების ეროვნული ცენტრის პროგრამის „ასწავლე საქართველოსთვის“ წარდგენა ჩატარდა ბათუმის შოთა რუსთაველის სახელმწიფო უნივერსიტეტში. პროგრამის მენეჯერმა ლალი წიკლაურმა სტუდენტებს პროექტში მონაწილეობის პირობები, არსებული სიახლეები და სამომავლო გეგმები გააცნო. პროგრამის „ასწავლე საქართველოსთვის“ მიზანია მაღალმთიანი და ბარის შორეული სოფლების საჯარო სკოლებში კვალიფიციური კადრების მოზიდვის გზით სწავლა-სწავლების პროცესის ხელშეწყობა, განათლების მიღების თანაბარი შესაძლებლობების უზრუნველყოფა და კვალიფიციური კადრების მასწავლებლის პროფესიით დაინტერესება.
სტუდენტთა სამეცნიერო კონფერენციის მონაწილეების დაჯილდოება გაიმართა ბათუმის შოთა რუსთაველის სახელმწიფო უნივერსიტეტში. ბსუ-ს რექტორმა მერაბ ხალვაშმა და ფაკულტეტების დეკანებმა სესიის მონაწილეებს სერტიფიკატები გადასცეს, გამარჯვება მიულოცეს და წარმატებები უსურვეს. ორდღიან კონფერენციაში ცხრამეტი სექციის მიმართულებით წარმოდგენილი 150 სამეცნიერო მოხსენება პროფესორ-მასწავლებლებთან ერთად, დარგის სპეციალისტებმა შეაფასეს. სტუდენტებს სესიაში მონაწილეობისათვის სერტიფიკატები გადაეცათ, თითოეული სექციის სამ საუკეთესო მონაწილეს - ფულადი ჯილდო, ხოლო სამი საუკეთესო მოხსენების ავტორს სამეცნიერო კონფერენციაში მონაწილეობა დაუფინანსდა.
ბათუმის შოთა რუსთაველის სახელმწიფო უნივერსიტეტში სკოლისა და უნივერსიტეტის თანამშრომლობის კლუბის „სკოლა-უნივერსიტეტი” ფარგლებში, სტუდენტთა და მოსწავლეთა მეშვიდე სამეცნიერო კონფერენცია ჩატარდა. ტრადიციული სამეცნიერო კონფერენციის 9 სექციის მიმართულებით ასზე მეტმა მონაწილემ მოხსენებები წარმოადგინა განათლების, ქართული ენისა და ლიტერატურის, ისტორიის, უცხო ენის, საბუნებისმეტყველო მეცნიერებების აქტუალურ საკითხებზე.
