ახალი ამბები

ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში კომპანია „ტელევიკის“ სასწავლო განყოფილების ხელმძღვანელს, დირკ ვერბეკესა და ევროკომისიის სინქრონული თარგმანის საპატიო გენერალურ დირექტორს, ნოელ მიულს შეხვდა. ევროკავშირის ინოვაციური საკომუნიკაციო ტექნოლოგიების მწარმოებელი კომპანია „ტელევიკი“ ბათუმის შოთა რუსთაველის სახელმწიფო უნივერსიტეტთან თანამშრომლობს სინქრონული თარგმანის ინფრასტრუქტურული და პროგრამული განვითარების მიზნით. ბსუ-ში უკვე წარმატებით განხორციელდა ინფრასტრუქტურული პროექტი აჭარის ავტონომიური რესპუბლიკის მთავრობისა და განათლების, კულტურისა და სპორტის სამინისტროს მხარდაჭერით.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და გერმანული არასამთავრობო ორგანიზაციის „ბერგჰოფის ფონდი“ კავკასიის პროგრამის დირექტორმა ოლივერ ვოლესმა თანამშრომლობის მემორანდუმს მოაწერეს ხელი. მემორანდუმის მიზანია მხარეებმა ითანამშრომლონ საქართველოში არსებული ეთნო-პოლიტიკური კონფლიქტების თემატიკით დაინტერესებული სტუდენტების ცოდნის, კრიტიკული აზროვნების ამაღლებაზე. შეუქმნან მათ შესაბამისი სასწავლო-სადისკუსიო სივრცე, რომელიც დაეხმარებათ მათ ისწავლონ და განავითარონ თავიანთი ცოდნა და უნარ-ჩვევები აღნიშნულ საკითხებში, ხელი შეუწყონ საგანმანათლებლო პროგრამების შესაბამისი სასწავლო კურსების განვითარებას და პროგრამების შემუშავებას.

ბათუმის შოთა რუსთაველის სახელმწიფო უნივერსიტეტსა და ბუღალტერთა კავშირს შორის თანამშრომლობის მემორანდუმი გაფორმდა. დოკუმენტი ითვასლისწინებს ბიზნესის ადმინისტრირების მიმართულების სტუდენტებისთვის, აკადემიური პერსონალისთვის და ადმინისტრაციის თანამშრომლებისთვის საგანმანათლებლო და საწარმოო-ტექნიკური ონფორმაციის გაცვლას. ერთობლივი სამეცნიერო, სასწავლო და პრაქტიკული პროექტების განხორციელებას, პროგრამების შემუშავებასა და სტუდენტთა დასაქმებას.

27-28 იანვარს, ბათუმის შოთა რუსთაველის სახელმწიფო უნივერსიტეტის დელეგაცია, რომლის შემადგენლობაში შედიოდნენ რექტორის მოადგილე თამარ სირაძე, რექტორის მოადგილე ნათელა წიკლაშვილი და ასოცირებული პროფესორი ინგა შამილიშვილი, სტუმრად იმყოფებოდნენ პოლონეთის ქვემო სილეზიის ქალაქ ვროცლავის სახელმწიფო უნივერსიტეტში, სადაც ხელი მოეწერა თანამშრომლობის მემორანდუმს ვროცლავის სახელმწიფო უნივერსიტეტთან. ბსუ-ს დელეგაცია ასევე შეხვდა ვროცლავის უნივერსიტეტის ჟურნალისტიკის, უცხოური ფილოლოგიისა და ეკონომიკის დეპარტამენტების წარმომადგენლებს და დასახა ურთიერთობის სამომავლო გეგმები.

ბათუმის შოთა რუსთაველის სახელმწიფო უნივერსიტეტში ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტის ღვაწლმოსილი ლექტორის ნოდარ ბარამიძის 90 წლისადმი მიძღვნილი საიუბილეო სხდომა გაიმართა. ღვაწლომოსილ ლექტორს იუბილე მიულოცეს, წარმატებები უსურვეს და მის ღვაწლზე ისაუბრეს ბსუ-ს რექტორმა, მერაბ ხალვაშმა, ფაკულტეტის დეკანმა მარინე გიორგაძემ, პროფესორ-მასწავლბლებმა და სტუდენტებმა. ღონისძიებაზე ნოდარ ბარამიძეს განათლების სფეროში ხანგრძლივი და ნაყოფიერი საქმიანობისა და მომავალი თაობების აღზრდაში შეტანილი განსაკუთრებული წვლილისთვის მადლობის სიგელი და სამახსოვრო საჩუქრები გადაეცა.