ახალი ამბები

პანდემიის დამარცხების გზა მხოლოდ ვაქცინაციაზე გადის, აცრა გვიცავს სიკვდილისგან, - ამის შესახებ საქართველოს პრემიერ-მინისტრმა ირაკლი ღარიბაშვილმა ბათუმის შოთა რუსთაველის სახელმწიფო უნივერსიტეტში განაცხადა, სადაც, პარლამენტის თავმჯდომარე კახა კუჭავასთან, განათლებისა და მეცნიერების მინისტრ მიხეილ ჩხენკელთან, აჭარის ა.რ. მთავრობის თავმჯდომარე თორნიკე რიჟვაძესთან, ბსუ-ს რექტორთან მერაბ ხალვაშთან და ადმინისტრაციის ხელმძღვანელ ნიკა ჩხარტიშვილთან ერთად, ვაქცინაციის პროცესს გაეცნო.

დღეს, ბათუმის შოთა რუსთაველის სახელმწიფო უნივერსიტეტში (ნინოშვილის ქ. 35, ამირან მამალაძის სახელობის სპორტული დარბაზი) ვაქცინაციის სივრცე გაიხსნა. ვაქცინაცია შესაძლებელია: ფაიზერით, სინოვაკით, სინოფარმით. ვაქცინაციისათვის წინასწარი რეგისტრაციის გავლა საჭირო არ არის. ცენტრი იმუშავებს ორშაბათიდან შაბათის ჩათვლით 10:00-დან 18:00 - საათამდე.

ძვირფასო კურსდამთავრებულებო!
ბათუმის შოტა რუსთაველის სახელმწიფო უნივერსიტეტი გილოცავთ სწავლის დასრულებას. თქვენს ცხოვრებაში გამორჩეული დღეა, დამთავრდა სტუდენტობა და იწყება სრულიად ახალი, მნიშვნელოვანი ეტაპი.

წარმატებით გაიარა პროგრამული აკრედიტაცია ბსუ-ს საბუნებისმეტყველო მეცნიერებათა და ჯანდაცვის ფაკულტეტის 14-მა საგანმანათლებლო პროგრამამ. სამმა ერთსაფეხურიანმა, მათ შორის ერთმა ინგლისურენოვანმა, ხუთმა საბაკალავრომ, ოთხმა სამაგისტრომ და ორმა სადოქტორო პროგრამამ აკრედიტაციის სტანდარტები დააკმაყოფილა და უმაღლესი საგანმანათლებლო პროგრამების აკრედიტაციის საბჭოს გადაწყვეტილებით სრული აკრედიტაცია მოიპოვა. ვულოცავთ ფაკულტეტის სტუდენტებსა და პროფესორ-მასწავლებლებს მნიშვნელოვან გამარჯვებას და წარმატებებს ვუსურვებთ.

დღეს, 2008 წლის რუსეთ-საქართველოს ომში დაღუპული გმირის, ბათუმის შოთა რუსთაველის სახელმწიფო უნივერსიტეტის სტუდენტის, ვახტანგ გორგასლის I ხარისხის ორდენოსან ამირან მამალაძის საფლავი ბსუ-ს სტუდენტებმა და ადმინისტრაციის წარმომადგენლებმა გვირგვინით შეამკეს. უნივერსიტეტელებმა კიდევ ერთხელ პატივი მიაგეს საქართველოს ტერიტორიული მთლიანობისათვის დაღუპული მებრძოლის ხსოვნას და მის ღვაწლზე ისაუბრეს. ომში დაღუპული გმირის უკვდავსაყოფად ბათუმის შოთა რუსთაველის სახელმწიფო უნივერსიტეტში დაწესებულია სტუდენტ ამირან მამალაძის სახელობის სტიპენდია და ასევე მცირე სპორტულ დარბაზს მინიჭებული აქვს მისივე სახელი.