2016 წლის 15-16 მარტს ბათუმის შოთა რუსთაველის სახელმწიფო  უნივერსიტეტის განათლების ფაკულტეტის პროგრამის „უმაღლესი განათლების მენეჯმენტი“-ს  პერსონალი აკაკი წერეთლის სახელმწიფო უნივერსიტეტში გამართულ ტრენინგებს ესწრებოდა. ტრენინგები, რომელიც  TEMPUS-ის პროექტის ‘’MAHATMA“- უმაღლესი განათლების მართვის მაგისტრი: ლიდერთა მომზადება საგანმანათლებლო ცვლილებების მართვისათვის’’  ფარგლებში მიმდინარეობდა , საგანმანათლებლო პროგრამების ხარისხის გაუმჯებესობას შეეხებოდა.   ტრენინგებში მონაწილეობას ღებულობდნენ  პროექტში მონაწილე საქართველოს  უმაღლესი სასწავლებლები - აკაკი წერეთლის სახელმწიფო უნივერსიტეტი; ილიას სახელმწიფო უნივერსიტეტი; შავი ზღვის უნივერსიტეტი.

ტრენინგი ჩაატარეს პროგრამაში მონაწილე ევროპის უნივერსიტეტების:  ჩეხეთის (მასარიკის უნივერსიტეტი), იტალიის(პალერმოს უნივერსიტეტი), გერმანიისა(კობლენცის უნივერსიტეტი) და დიდი ბრიტანეთის (მიდლსექსის უნივერსიტეტი) პროფესორებმა.

აღნიშნული პროექტის ფარგლებში ბათუმის შოთა რუსთაველის სახელმწიფო უნივერსიტეტში უკვე იმყოფებოდა ექსპერტთა ჯგუფი  სამაგისტრო პროგრამის "განათლების მენეჯმენტის" მონიტორინგისა და  ექსპერტიზათვის.