ერაზმუსის გაცვლითი პროგრამის ფარგლებში ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის დეკანი, ასოცირებული პროფესორი თეონა ბერიძე და ამავე ფაკულტეტის თარგმანისა და ინტერდისციპლინური კვლევების ცენტრის ხელმძღვანელი, ასოცირებული პროფესორი ხათუნა ბერიძე 2026 წლის 18-22 მაისს იმყოფებოდნენ ჰილდესჰაიმის უნივერსიტეტში.

ბათუმის შოთა რუსთაველის სახელმწიფო უნივერსიტეტის აღმოსავლეთმცოდნეობის დეპარტამენტის ხელმძღვანელის, პროფესორ ლილე თანდილავას დაბადებიდან სამოცდახუთი წელი აღინიშნა. ბსუ-ს რექტორმა, ჰუმანიტარულ მეცნიერებათა ფაკულტეტის დეკანმა და აღმოსავლეთმცოდნეობის დეპარტამენტის წარმომადგენლებმა ლილე თანდილავას იუბილე მულოცეს და წარმატებული სამეცნიერო და პედაგოგიური სააქმიანობისთვის მადლობის სიგელი გადასცეს.

11-15 მაისს, ბსუ-ს ჰუმანიტარულ მეცნიერებათა ფაკულტეტის ასოცირებული პროფესორები: ივდით დიასამიძე და ლალი თავაძე „ერაზმუს+“-ის აკადემიური მობილობის ფარგლებში იმყოფებოდნენ ნეოფიტ რილსკის უნივერსიტეტში, ბულგარეთში.

ბათუმის შოთა რუსთაველის სახელმწიფო უნივერსიტეტში მოსწავლეთა მეცხრე სამეცნიერო კონფერენცია ჩატარდა თემაზე: „ახლო აღმოსავლეთი და საქართველო“. კონფერენცია ბსუ-ს რექტორმა, ტიტე აროშიძემ, რექტორის მოადგილემ, გიორგი ქათამაძემ, ჰუმანიტარულ მეცნიერებათა ფაკულტეტის დეკანმა, თეონა ბერიძემ, აღმოსავლე¬თმცოდნეობის დეპარტამენტის ხელმძღვანელმა, ლილე თანდილავამ და კონფერენციის ორგანიზატორმა, პროფესორმა ემზარ მაკარაძემ გახსნეს და მოსწავლეებს წარმატებები უსურვეს.

ბსუ-ს ჰუმანიტარულ მეცნიერებათა ფაკულტეტის მოწვეულმა უფროსმა მასწავლებელმა, ფილოსოფოსმა თენგიზ ციმნარიძემ საჯარო ლექცია წაიკითხა თემაზე: „პოსტფენომენოლოგია: ტექნოლოგია, როგორც მედიაცია“. ლექცია შეეხებოდა თანამდეროვე ტექნოლოგიის ფილოსოფიას, კერძოდ - თანამედროვე ტექნოლოგიის ფილოსოფიის ისეთ მიმართულებას, როგორიც არის პოსტფენომენოლოგია. პოსტფენომენოლოგია, რომელიც დასაბამს იღებს ფენომენოლოგიიდან, ხედავს ტექნოლოგიაში არა ადამიანისაგან განყენებულ ობიექტს, რაც დამახასიათებელი იყო ფენომენოლოგიისთვის, არამედ მედიატორულ საშუალებას, რომელსაც გამაშუალებელი როლი უკავია ადამიანსა და სამყაროს შორის.