ბათუმის შოთა რუსთაველის სახელმწიფო უნივერსიტეტში პროფესიული განათლების სტუდენტებისა და პროფესიული განათლების მასწავლებლებისთვის ჩატარდა საინფორმაციო-საგანმანათლებლო სემინარი თემაზე: „საქართველოში აივ/შიდსისა და ტუბერკულოზის პრევენცია". სემინარი გაიმართა „საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება" (GEO-C-NCDC) პროგრამის ფარგლებში ა(ა)იპ „საქართველოს ჯანმრთელობის ფედერაციის" ორგანიზებით.

პროფესიული განათლების ეროვნული ჯილდოს გამარჯვებული, ბსუ-ს პროფესიული საგანმანათლებლო პროგრამის „საბიბლიოთეკო საქმე“ სტუდენტი მარიამ ჩხაიძე, ბსუ-ს რექტორმა, ტიტე აროშიძემ 1000-ლარიანი სტიპენდიით დააჯილდოვა. რექტორმა მარიამს გამარჯვება მიულოცა, ხაზი გაუსვა მის წვლილს საბიბლიოთეკო მიმართულების განვითარების საქმეში და წარმატებები უსურვა. ასევე, მადლობა გადაუხადა ბსუ-ს პროფესიული პროგრამების მართვისა და უწყვეტი განათლების ცენტრის გუნდს გაწეული მუშაობისთვის.

1-2 მაისს ბათუმის შოთა რუსთაველის სახელმწიფო უნივერსიტეტის პროფესიული განათლების მასწავლებლები გიორგი მახარაძე და ანზორ ხიმშიაშვილი იმყოფებოდნენ სამეგრელოში, სადაც მონაწილეობა მიიღეს სოფლის მეურნეობის პროფესიული განათლების მასწავლებლების დარგობრივი ქსელების სამუშაო შეხვედრაში.

1 მაისს, ბსუ-ს დაცვისა და შრომის უსაფრთხოების სამსახურმა, პროფესიული პროგრამების მართვის და უწყვეტი განათლების ცენტრში (ლეონიძის ქ. N15), დასაქმებული პერსონალისთვის და პროფესიული სტუდენტებისთვის ჩაატარა შრომის უსაფრთხოების ინსტრუქტაჟი, პირველადი სამედიცინო დახმარების აღმოჩენის სწავლება და საგანგებო ვითარებაში პერსონალის და პროფესიული სტუდენტების მოქმედების (შენობიდან ევაკუაციის და საევაკუაციო პუნქტზე შეკრების) გავარჯიშება.

26-27 აპრილის ბათუმის შოთა რუსთაველის სახელმწიფო უნივერსიტეტში ჩატარდა უწყვეტი სამედიცინო განათლების აკრედიტებული ტრენინგი: „ადგილობრივი ანესთეზიით გამოწვეული გადაუდებელი მდგომარეობებისა და სხვა გართულებების მართვა სტომატოლოგიურ პრაქტიკაში“ ტრენინგს ესწრებოდნენ რეგიონის ექიმ-სტომატოლოგები და ბსუ-ს მე-5 კურსის სტუდენტები. მსმენელებს მიენიჭათ 12 უპგ ქულა. ტრენინგს უძღვებოდნენ: ფრიდონ ჯაფარიძე, გიორგი ნიკოლაიშვილი, მეგი ხაბაზი.