ბსუ-ს პროფესიული პროგრამების მართვისა და უწყვეტი განათლების ცენტრში სტუდენტთა საერთაშორისო დღე აღინიშნა. ადმინისტრაციის წარმომადგენლებმა სტუდენტებთან შეხვედრა გამართეს და 2023 წლის შემოდგომაზე ჩარიცხულ პროფესიული საგანმანათლებლო პროგრამების სტუდენტებს ინფორმაცია მიაწოდეს ბსუ-ს მისიაზე, ხედვასა და ღირებულებებზე, პროფესიული განათლების შესაძლებლობებზე, სტუდენტთა უფლებებსა და სხვა მნიშვნელოვან საკითხებზე. ბსუ-ს პროფესიული პროგრამების მართვისა და უწყვეტი განათლების ცენტრის დირექტორმა მადონა მიქელაძემ პროფესიულ სტუდენტებს სტუდენტთა საერთაშორისო დღე მიულოცა და წარმატებები უსურვა.

ბსუ-ში პროფესიულ საგანმანათლებლო პროგრამებზე სასწავლო პროცესი დაიწყო. სტუდენტებს სწავლის დაწყება ბსუ-ს რექტორმა, პროფესორმა მერაბ ხალვაშმა, პროფესიული პროგრამების ცენტრის დირექტორმა მადონა მიქელაძემ მიულოცეს და ის სიახლეები და შესაძლებლობები გააცნეს, რომელთაც უნივერსიტეტი მათ სთავაზობს. საზეიმო გახსნაზე ასევე სიტყვით გამოვიდნენ დამსაქმებლები, სტუდენტები და კურსდამთავრებულები.

ბსუ-ს პროფესიული პროგრამების მართვის და უწყვეტი განათლების ცენტრში, ბათუმის შოთა რუსთაველის უნივერსიტეტის მცენარეთა ინტეგრირებული დაცვის მოკლევადიანი პროფესიული პროგრამის კურსდამთავრებულთა გაცილების და სერტიფიკატების გადაცემის ცერემონია გაიმართა. სამთვიანი პროგრამის პირველ ნაკადში გადამზადდა 14 სტუდენტი, რომლებმაც მიიღეს თეორიული და პრაქტიკული სწავლება რეგიონში კონკრეტულ აგრარულ კულტურებში გავრცელებული ყველა დაავადებისა და მავნებლის, მათი მართვისა და პრევენციის შესახებ. პროგრამა განკუთვნილია დარგში ჩართული პირებისათვის, არსებული სპეციალისტებისა და ფერმერებისათვის.

განათლების ხარისხის განვითარების ეროვნული ცენტრის პროფესიული განათლების ხარისხის უზრუნველყოფის სამსახურის ორგანიზებით, პროფესიული განათლების ხარისხის უზრუნველყოფის ექსპერტების წლიური კონფერენცია გაიმართა. კონფერენციას ბსუ-ს პროფესიული პროგრამების მართვისა და უწყვეტი განათლების ცენტრის ხარისხის მართვის მენეჯერი და პროფესიული განათლების ხარისხის უზრუნველყოფის ექსპერტი ჯილდა აბაშიძე ესწრებოდა. კონფერენციის მონაწილეებს მიესალმნენ განათლებისა და მეცნიერების მინისტრის მოადგილე ნოდარ პაპუკაშვილი, განათლების ხარისხის განვითარების ეროვნული ცენტრის დირექტორი თამარ მახარაშვილი და განათლების ხარისხის განვითარების ეროვნული ცენტრის დირექტორის მოადგილე კახაბერ ერაძე.

7-8 ოქტომბერს პროფესიული უნარების სააგენტოსა და IFES-ის (საარჩევნო სისტემათა საერთაშორისო ფონდი) თანამშრომლობით, სამოქალაქო განათლების მასწავლებელთა ტრენერთა ტრენინგი ჩატარდა თემაზე: „სამოქალაქო განათლების თანამედროვე სწავლების მეთოდები“. ტრენინგის მიზანი იყო მასწავლებლების ციფრული კომპეტენციების გაძლიერება ინტერაქციული სწავლების მეთოდების გამოყენებით. ტრენინგს ბსუ-ს პროფესიული მასწავლებლები: თორნიკე ზაქარაძე და ირაკლი მიქელაძე ესწრებოდნენ. ტრენინგის შემდგომ მონაწილეები ონლაინ ფორმატში განაგრძობენ შეძენილი ცოდნის რეპლიკაციას სამოქალაქო განათლების მასწავლებლების დარგობრივი ქსელის სხვა წევრებთან.