ბსუ-ს სამეცნიერო კვლევების სამსახურის უფროსი თამარ მაჭუტაძე სადოქტორო საგანმანათლებლო პროგრამების პირველკურსელ დოქტორანტებს შეხვდა და წარუდგინა პრეზენტაცია. გააცნო სადოქტორო საგანმანათლებლო პროგრამაზე სწავლისა და კვლევის ეტაპები, კვლევასთან დაკავშირებული ნორმატიული დოკუმენტები. დოქტორანტებმა მიიღეს ინფორმაცია სამეცნიერო საერთაშორისო ბაზების: Scopus, Web of Science, Scopus, ERIH PLUS, JSTOR შესახებ, ასევე სადისერტაციო ნაშრომის დაცვის წინაპირობებისა და უნივერისიტეტში არსებული დოქტორანტის მხარდამჭერი ღონისძიებების შესახებ.

კორნელი კეკელიძის სახელობის საქართველოს ხელნაწერთა ეროვნული ცენტრი, ლუვენის უნივერსიტეტის ორიენტალისტიკის ინსტიტუტთან (ბელგია) თანამშრომლობით მართავს - მე-7 საერთაშორისო საზაფხულო სკოლა "ქართული ხელნაწერი". პროექტის მიზანია ქართველოლოგიური მეცნიერებების პოპულარიზაცია; ქართული ხალნაწერის, როგორც კულტურათაშორისი ურთიერთობების პროდუქტის, მრავალმხრივობის და მნიშვნელობის აქცენტირება.ხელნაწერთა ეროვნული ცენტრის საერთაშორისო საზაფხულო სკოლის პროგრამა შედგება ხუთი სასწავლო მოდულისგან: 1. საქართველო: ისტორია, ენა, დამწერლობა, 2. ქართული ხელნაწერი - ჟანრობრივი და თემატური მრავალფეროვნება; 3. ქართული ისტორიული დოკუმენტი, 4. ქართული ნაბეჭდი წიგნი და 5. ხელნაწერთა ეროვნული ცენტრი, როგორც ფორუმის მასპინძელი უნიკალური ინსტიტუცია - ხელნაწერების უმნიშვნელოვანესი საცავი და სამეცნიერო-კვლევითი ცენტრი.

თურქეთში, ქალაქ ადანაში ტარდება მსოფლიოს უდიდესი ტექნოლოგიური კონკურსი „ტექნოფესტი 2024“. კონკურსი აერთიანებს 46 ძირითად და 117 ქვეკატეგორიას, მათ შორის არის: რაკეტები, თანამგზავრები, ხელოვნური ინტელექტი, მფრინავი ავტომობილის სიმულაცია, საგანმანათლებლო ტექნოლოგიები. 2024 წელს კონკურსს დაემატა უკაბელო კავშირგაბმულობა, საჰაერო თავდაცვის სისტემები, ფინანსური ტექნოლოგიები და ა.შ. დამატებითი ინფორმაცია კონკურსის შესახებ იხილეთ შემდეგ ვებგვერდზე: https://www.teknofest.org/en/

2024 წლის 21-22 ივნისს, კავკასიის უნივერსიტეტში, დაგეგმილია IX საერთაშორისო მრავალდარგობრივი სამეცნიერო კონფერენცია სახელწოდებით „მეცნიერება - მდგრადი განვითარებისთვის 2024“, რომელიც ხორციელდება გაერთიანებული ერების სორგანიზაციის მხარდაჭერით. კონფერენცია თემატურად უკავშირდება მდგრადი განვითარების მიზნებს, ასევე, თანამედროვე მსოფლიოს წინაშე მდგარ გამოწვევებს, რომელიც საკითხების მრავალფეროვნებიდან და აქტუალურობიდან გამომდინარე გლობალური დღის წესრიგია.

2000 წელს ჯონ უილკინსონის მიერ დაარსებული ორგანიზაცია Friends of Academic Research in Georgia (FaRiG) ქართველ მეცნიერებს ყოველწლიურად საშუალებას აძლევს, მიიღონ გრანტი ჰუმანიტარულ მეცნიერებათა სფეროში და ეხმარება მათ კვლევების ქვეყნის ფარგლებს გარეთ გამოქვეყნებაში. განაცხადის წარდგენის ბოლო ვადაა 2024 წლის 28 თებერვალი