ბსუ-ში ვიზიტის ფარგლებში, საქართველოში საფრანგეთის ელჩს, ოლივიე კურტოს უმასპინძლა ფრანკოფონიის საუნივერსიტეტო სააგენტოსთან (AUF) თანამშრომლობის ფარგლებში მოქმედმა, ტურიზმის ფაკულტეტის დაქვემდებარებაში არსებულმა დასაქმების ფრანკოფონულმა ცენტრმა (CEF-ბათუმი). შეხვედრა გაიმართა მეგობრულ და არაფორმალურ გარემოში, სადაც ელჩი აჭარის რეგიონის ფრანგული ენის პროფესორ-მასწავლებლებს შეხვდა.

ღონისძიების მიმდინარეობისას ელჩმა DELF-ის დიპლომები გადასცა რეგიონის რამდენიმე სკოლის მოსწავლეს და წარმატებები უსურვა მათ. ასევე, დიდი მადლობა გადაუხადა აჭარის რეგიონის ფრანგული ენის პედაგოგებს ფრანგული ენის პოპულარიზაციაში შეტანილი მნიშვნელოვანი წვლილისთვის.