ბათუმის შოთა რუსთაველის სახელმწიფო უნივერსიტეტსა და მოხალისეთა ორგანიზაცია ,,ახალგაზრდობა და ვეტერანები ეროვნული თავდაცვისა და უსაფრთხოებისათვის” თანამშრომლობის მემორანდუმი გაფორმდა.
შეთანხმება ითვალისწინებს მოხალისეთა მოსამზადებელ ცენტრში მოხალისეთა მომზადება-გადამზადების შეკრებების ჩატარებას, სტუდენტების ჩართულობას სპორტულ, კულტურულ და პატრიოტულ-საგანმანათლებლო ღონისძიებებში, ბსუ-ს სტუდენტებისთვის სასწავლო-საინფორმაციო აქტივობების ჩატარებას ისეთ თემებზე, როგორიცაა: სამხედრო და სამოქალაქო თავდაცვის საფუძვლები; საგანგებო სიტუაციებში მოქმედება, პირველადი სამედიცინო დახმარება და თვითგადარჩენა; უპილოტო საფრენი აპარატების გამოყენება; საცეცხლე და საინჟინრო მომზადება; ტოპოგრაფია და სახმელეთო ნავიგაცია.
შეხვედრის ფარგლებში ორგანიზაციის ტერიტორიული დანაყოფის მეთაურმა, შოთა მახარაძემ სტუდენტებს წარუდგინა პრეზენტაცია ორგანიზაციის საქმიანობის, მოხალისეთა მოსამზადებელი კურსებისა და ჩართულობის შესაძლებლობების შესახებ.
| უკან |
