მეცნიერების საერთაშორისო დღე

ბათუმის შოთა რუსთაველის სახელმწიფო უნივერსიტეტში მეცნიერების საერთაშორისო დღე აღინიშნა. ბსუ-ს რექტორმა მერაბ ხალვაშმა მკვლევრებს პროფესიული დღე მიულოცა, წარმატებები უსურვა და ნაყოფიერი სამეცნიერო საქმიანობისათვის მადლობის სიგელები გადასცა. ფიტოპათოლოგიისა და ბიომრავალფეროვნების ინსტიტუტის მთავარმა მეცნიერ თანამშრომელმა გალინა მეფარიშვილმა საჯარო ლექცია წაიკითხა თემაზე: ,,მცენარეთა დაავადებების კვლევის თანამედროვე მდგომარეობა“. მსოფლიო მეცნიერების საერთაშორისო დღეს 2001 წლიდან UNESCO-ს ეგიდით აღნიშნავს და მიზნად ისახავს მეცნიერების უახლესი განვითარების შესახებ მოქალაქეების ინფორმირებასა და  ახალი სამეცნიერო საკითხების განხილვაში საზოგადოების ჩართულობის ხელშეწყობას.

ნაყოფიერი სამეცნიერო საქმიანობისათვის მადლობის სიგელები გადაეცათ ბსუ-ს მკვლევრებს:

• ზუსტ მეცნიერებათა და განათლების ფაკულტეტი - პროფესორი ვლადიმერ ბალაძე

• ეკონომიკისა და ბიზნესის ფაკულტეტი - პროფესორი ასიე ცინცაძე

• იურიდიული და სოციალურ მეცნიერებათა ფაკულტეტი - პროფესორი სოლომონ მენაბდიშვილი

• საბუნებისმეტყველო მეცნიერებათა და ჯანდაცვის ფაკულტეტი - პროფესორი მაია ვანიძე

• ტექნოლოგიური ფაკულტეტი - პროფესორი ენვერ ხალვაში

• ტურიზმის ფაკულტეტი - ასოცირებული პროფესორი ეკატერინე ბახტაძე

• ჰუმანიტარულ მეცნიერებათა ფაკულტეტი - ასისტენტ პროფესორი გურამ ჩხატარაშვილი

• ნიკო ბერძენიშვილის ინსტიტუტი - უფროსი მეცნიერ თანამშრომელი სულხან მამულაძე

• აგრარული და მემბრანული ტექნოლოგიების ინსტიტუტი - უფროსი მეცნიერ თანამშრომელი გულნარა ვერულიძე

• ფიტოპათოლოგიისა და ბიომრავალფეროვნების ინსტიტუტი - მთავარი მეცნიერ თანამშრომელი გალინა მეფარიშვილი