გუდავაძე-პატარკაციშვილის ფონდის წარმომადგენლები ბსუ-ს სტიპენდიატებს შეხვდნენ

სურათი

გუდავაძე-პატარკაციშვილის ფონდის წარმომადგენლები პროგრამის ,,მომავალი პედაგოგი“ ფარგლებში ბათუმის შოთა რუსთაველის სახელმწიფო უნივერსიტეტს  ეწვივნენ. ბსუ-ს რექტორთან, პროფესორ მერაბ ხალვაშთან, ზუსტ მეცნიერებათა და განათლების ფაკულტეტის დეკანთან ლელა თურმანიძესთან და ფონდის სტიპენდიატებთან გამართულ შეხვედრაზე, სტუმრებმა ერთობლივ საგანმანათლებლო პროექტებსა და შემდგომი თანამშრომლობის გაღრმავებაზე ისაუბრეს.

ღონისძიების ფარგლებში, ფონდის დირექტორმა ზურაბ კერვალიშვილმა სტუდენტებს ის პროექტები გააცნო, რომელსაც კერძო ფონდი განათლების სექტორში ახორციელებს. ასევე სტუდენტებისთვის „მასწავლებლის ეროვნული ჯილდოს“ დამფუძნებელმა ირინა ხანთაძემ, მასწავლებლის ჯილდოს მფლობელმა როლანდ შავაძემ, მასწავლებლის ჯილდოს ათეულის წევრებმა -  ინგა მოსიძემ და  მანანა მენაბდემ ვორქშოფი გამართეს მასწავლებლის როლისა და თანამედროვე პედაგოგის მნიშვნელობის შესახებ.

პროგრამა “მომავალი პედაგოგი” ფონ­დის მიერ ინი­ცი­რე­ბუ­ლი  წა­ხა­ლი­სე­ბის სას­ტი­პენ­დიო პრო­ექ­ტია. იგი 2020 წლი­დან პარტნი­ორ სა­ხელ­მწი­ფო უნი­ვერ­სი­ტე­ტებ­ში ხორ­ცი­ელ­დე­ბა და თითო უმაღ­ლე­სი სას­წავ­ლებ­ლი­დან 10 წარ­მა­ტე­ბულ სტუ­დენტს აერ­თი­ა­ნებს. მისი მი­ზა­ნია ხელი შე­უ­წყოს პე­და­გო­გის პრო­ფე­სი­ის პო­პუ­ლა­რი­ზა­ცი­ას, და­მა­ტე­ბი­თი მო­ტი­ვა­ცია გა­უ­ჩი­ნოს გან­სა­კუთ­რე­ბით რე­გი­ონ­ში მცხოვ­რებ ახალ­გაზ­რდებს და პარტნი­ორ უნი­ვერ­სი­ტე­ტებ­ში შექ­მნას მა­ღა­ლი აკა­დე­მი­უ­რი მოს­წრე­ბის აბი­ტუ­რი­ენ­ტე­ბის მო­ზიდ­ვის მეტი შე­საძ­ლებ­ლო­ბა.

უნივერსიტეტსა და ფონდს შორის გაფორმებული მემორანდუმის ფარგლებში სტიპენდიას იღებს  ბსუ-ს ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამის ათი  სტუდენტი. სას­ტი­პენ­დიო პროგ­რა­მის  ფარ­გლებ­ში ფონდი აგრძელებს წამახლისებელი სტიპენდიის გაცემას და მასში მონაწილება ბსუ-ს სტუდენტებს კვლავ შეუძლიათ.


უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა